- પંકજ ત્રિપાઠીની ‘ક્રિમિનલ જસ્ટિસ 3’નું શૂટિંગ શરૂ
- પ્રથમ બે સિઝનમાં મળી છે ભરપૂર પ્રશંસા
- વર્ષના અંતે ડિઝની પ્લસ હોટસ્ટાર પર થશે સ્ટ્રીમ
મુંબઈ:બોલિવૂડ એક્ટર પંકજ ત્રિપાઠીના કોર્ટરૂમ ડ્રામા વેબ શો ‘ક્રિમિનલ જસ્ટિસ’ની ત્રીજી સીઝન આ વર્ષના અંતમાં આવવાની છે.તેઓ તેમના માધવ મિશ્રાના પાત્રને ખૂબ જ પસંદ કરે છે, જેને દર્શકો તરફથી સારો પ્રતિસાદ મળ્યો છે.અહેવાલો અનુસાર, ત્રીજી સીઝનનું શૂટિંગ મોટા પાયે થવા જઈ રહ્યું છે, જેમાં ફ્રેન્ચાઈઝીના નવા અને જૂના પાત્રોનું મિશ્રણ એક નવી વાર્તામાં એકસાથે આવશે.
પંકજે જાન્યુઆરીના પહેલા અઠવાડિયાથી મુંબઈમાં ‘ક્રિમિનલ જસ્ટિસ 3’નું શૂટિંગ શરૂ કર્યું હતું.એક સૂત્રએ કહ્યું, “ક્રિમિનલ જસ્ટિસ હંમેશા પંકજની ખૂબ નજીકની ફ્રેન્ચાઈઝી રહી છે. 2019માં પ્રથમ સિઝનથી શરૂ થયેલી સફરને એટલો જબરજસ્ત પ્રતિસાદ મળ્યો કે,અમે 2022માં ત્રીજી સિઝનનું શૂટિંગ શરૂ કરી રહ્યા છીએ.”
સૂત્રના જણાવ્યા અનુસાર, “માધવ મિશ્રાનું પાત્ર કંઈક અંશે પંકજ જેવું જ છે.તે સત્યનો સાથ આપે છે પછી ગમે તે હોય.તે સમાજના નબળા વર્ગના ઉત્થાન અને સમર્થનમાં માને છે.તે માત્ર પ્રામાણિકતા અને પ્રતિભામાં માને છે.
‘ક્રિમિનલ જસ્ટિસ 3’ રોહન સિપ્પી દ્વારા નિર્દેશિત છે, જેનું નિર્માણ પંકજ ત્રિપાઠી અભિનિત એપ્લોઝ એન્ટરટેઈનમેન્ટ દ્વારા કરવામાં આવ્યું છે અને 2022 ના અંત સુધીમાં ડિઝની પ્લસ હોટસ્ટાર પર સ્ટ્રીમ થશે.