દિલ્હી- પીએમ મોદી આવતીકાલે એટલે કે મંગળવારને 31મી ઑક્ટોની સાંજે લગભગ 5 વાગ્યે કર્તવ્ય પથ ખાતે મેરી માટી મેરા દેશ અભિયાનની અમૃત કળશ યાત્રાની પરિસમાપ્તી નિમિત્તે કાર્યક્રમમાં ભાગ લેશે. આ કાર્યક્રમ આઝાદી કા અમૃત મહોત્સવના સમાપન સમારોહને પણ ચિહ્નિત કરશે.
આ કાર્યક્રમ દરમિયાન પ્રધાનમંત્રી અમૃત વાટિકા અને અમૃત મહોત્સવ સ્મારકનું ઉદ્ઘાટન કરશે. તેઓ દેશભરમાંથી આ કાર્યક્રમમાં જોડાનારા હજારો અમૃત કળશ યાત્રીઓને સંબોધન કરશેકાર્યક્રમ દરમિયાન, પ્રધાનમંત્રી દેશના યુવાનો માટે ‘મેરા યુવા ભારત પ્લેટફોર્મ પણ લોન્ચ કરશે.
ઉલ્લેખનાય છે કે મેરી માટી મેરા દેશ અભિયાન એ વીર અને વીરાંગનાઓને શ્રદ્ધાંજલિ છે જેમણે દેશ માટે સર્વોચ્ચ બલિદાન આપ્યું છે. જન ભાગીદારીની ભાવનામાં, અભિયાનમાં સમગ્ર દેશમાં પંચાયત/ગામ, બ્લોક, શહેરી સ્થાનિક સંસ્થા, રાજ્ય અને રાષ્ટ્રીય સ્તરે આયોજિત ઘણી પ્રવૃત્તિઓ અને સમારંભોનો સમાવેશ થાય છે.
આ સહીત આ પ્રવૃતિઓમાં શિલાફલકમ (સ્મારક) બનાવવાનો સમાવેશ થાય છે જે સર્વોચ્ચ બલિદાન આપનાર તમામ બહાદુરો પ્રત્યે હૃદયપૂર્વક કૃતજ્ઞતા વ્યક્ત કરવા માટે; શિલાફલકમ ખાતે લોકો દ્વારા લેવામાં આવતી ‘પંચ પ્રાણ’ પ્રતિજ્ઞા; સ્વદેશી પ્રજાતિના રોપાઓનું વાવેતર અને ‘અમૃત વાટિકા’ વિકસાવવા અને સ્વાતંત્ર્ય સેનાનીઓ અને મૃતક સ્વાતંત્ર્ય સેનાનીઓના પરિવારો ના સન્માન માટે સન્માન સમારોહ યોજાશે.
જેમાં 36 રાજ્યો/કેન્દ્રશાસિત પ્રદેશોમાં 2.3 લાખથી વધુ શિલાફલકમ બાંધવા સાથે આ ઝુંબેશ જંગી સફળતા પામવા તરફ છે. લગભગ 4 કરોડ પંચ પ્રાણ પ્રતિજ્ઞા સેલ્ફી અપલોડ કરાશે,આ સાથે જ દેશભરમાં 2 લાખથી વઘુ ‘વીરોં કા વંદન’ કાર્યક્રમોપણ યોજાશે.
‘મેરી માટી મેરા દેશ’ ઝુંબેશમાં અમૃત કળશ યાત્રાનો પણ સમાવેશ થાય છે, જેમાં ગ્રામીણ વિસ્તારોના 6 લાખથી વધુ ગામડાઓ અને શહેરી વિસ્તારોના વોર્ડમાંથી મિટ્ટી અને ચોખાના અનાજના સંગ્રહનો સમાવેશ થાય છે, જે બ્લોક લેવલ પર કે જ્યાં તમામ ગામડાઓની માટી બ્લોક મિશ્રિત છે અને પછી રાજ્યની રાજધાનીમાં મોકલવામાં આવે છે. હજારો અમૃત કલશ યાત્રીઓ સાથે રાજ્ય સ્તરેથી મિટ્ટી રાષ્ટ્રીય રાજધાની મોકલવામાં આવશે.
આજરોજ એટલે કે 30મી ઑક્ટોબર, 2023ના રોજ, અમૃત કળશ યાત્રા તમામ રાજ્યો અને કેન્દ્રશાસિત પ્રદેશો દ્વારા તેમના સંબંધિત બ્લોક્સ અને શહેરી સ્થાનિક સંસ્થાઓ દ્વારા રજૂ કરવામાં આવેલા ‘એક ભારત શ્રેષ્ઠ ભારત’ની ભાવનામાં એક વિશાળ અમૃત કળશમાં તેમના કળશમાંથી માટી મૂકતા જોવા મળશે. 31મી ઓક્ટોબરે પ્રધાનમંત્રી દેશભરમાંથી કાર્યક્રમમાં જોડાતા હજારો અમૃત કળશ યાત્રીઓને સંબોધન કરશે.અમૃત વાટિકા અને અમૃત મહોત્સવ સ્મારક, જેનું પ્રધાનમંત્રી દ્વારા ઉદ્ઘાટન કરવામાં આવી રહ્યું છે, તે કર્તવ્ય પથ ખાતે દેશના દરેક ભાગમાંથી એકત્રિત કરવામાં આવેલી માટીમાંથી બનાવવામાં આવ્યું છે.
મેરી માટી મેરા દેશ ઝુંબેશની કલ્પના ‘આઝાદી કા અમૃત મહોત્સવ’ની પરિસમાપ્તી તરીકે કરવામાં આવી હતી. આઝાદી કા અમૃત મહોત્સવ 12મી માર્ચ 2021ના રોજ ભારતની આઝાદીના 75 વર્ષની ઉજવણી માટે શરૂ થયો હતો. ત્યારથી તે ઉત્સાહી જનભાગીદારી સાથે દેશભરમાં આયોજિત બે લાખથી વધુ કાર્યક્રમોનું સાક્ષી છે.