ટોક્યો, 28 જુલાઈ 2026: Powerful earthquake in Japan દક્ષિણ જાપાનમાં ખૂબ જ શક્તિશાળી ભૂકંપ આવ્યો. સમાચાર એજન્સી રોઇટર્સના જણાવ્યા અનુસાર, ભૂકંપ બાદ દરિયાકાંઠાના વિસ્તારો માટે સુનામીની ચેતવણી જારી કરવામાં આવી છે.
જાપાન હવામાન વિભાગના જણાવ્યા અનુસાર, મંગળવારે જાપાનના ક્યુશુ વિસ્તારમાં આવેલા કુમામોતો પ્રીફેક્ચરમાં 7.1ની પ્રાથમિક તીવ્રતાનો ભૂકંપ આવ્યો હતો. આ અત્યંત શક્તિશાળી આંચકો હતો, જેનાથી સમગ્ર દક્ષિણ જાપાન હચમચી ઉઠ્યું હતું.
સુનામીની ચેતવણી
ભૂકંપ બાદ તરત જ, જાપાન હવામાન વિભાગે દરિયાકાંઠાના વિસ્તારો માટે સુનામીની ચેતવણી જાહેર કરી હતી. JMA (જાપાન હવામાન વિભાગ) અનુસાર, એક મીટર સુધી ઊંચા મોજાં આવવાની શક્યતા છે. દરિયાકાંઠાના વિસ્તારોના રહેવાસીઓને સતર્ક રહેવાની સલાહ આપવામાં આવી છે.
કયા વિસ્તારોમાં ચેતવણી જાહેર કરવામાં આવી છે?
પરિસ્થિતિની ગંભીરતાને ધ્યાનમાં રાખીને, જાપાન સરકારે દક્ષિણી ટાપુ ક્યુશુના કેટલાક પ્રાંતો માટે ભૂકંપ અંગેની કટોકટીની ચેતવણી જારી કરી છે.
કુમામોટો, નાગાસાકી, કાગોશિમા, ફુકુઓકા, સાગા, ઓઇતા અને મિયાઝાકી સહિતના મહત્વપૂર્ણ વિસ્તારો માટે ચેતવણીઓ જારી કરવામાં આવી છે. સત્તાવાળાઓ પરિસ્થિતિ પર નજીકથી નજર રાખી રહ્યા છે અને લોકોને સુરક્ષા માર્ગદર્શિકાઓનું પાલન કરવા અનુરોધ કરવામાં આવી રહ્યો છે.