- પંજાબી એક્ટર દીપ સિદ્ધુનું નિધન
- માર્ગ અકસ્માતમાં થયું મોત
- ખેડૂત આંદોલન વખતે આવ્યો હતો ચર્ચામાં
ચંડીગઢ:પંજાબી ફિલ્મ અભિનેતા દીપ સિદ્ધુનું માર્ગ અકસ્માતમાં મોત થયું છે. દીપ તેના મિત્રો સાથે દિલ્હીથી પંજાબ પરત ફરી રહ્યો હતો.આ દરમિયાન તેમની કાર અકસ્માતનો શિકાર બની હતી.આ અકસ્માત કુંડલી બોર્ડર પાસે થયો હતો.દીપ તેની સ્કોર્પિયો કારમાં જઈ રહ્યો હતો ત્યારે તેની કાર રોડની બાજુમાં ઉભેલી ટ્રક સાથે અથડાઈ હતી.
પોલીસના જણાવ્યા અનુસાર, KMP ખાતે પિપલી ટોલ પ્લાઝા પાસે આ અકસ્માત થયો હતો.દીપ કિસાન ચળવળ દરમિયાન ખૂબ જ લોકપ્રિય થયા હતા.તેમણે ખેડૂત આંદોલનમાં પોતાનો હિસ્સો આપ્યો હતો. દિલ્હીના લાલ કિલ્લામાં થયેલી હિંસાના કેસમાં દીપ સિદ્ધુ પણ આરોપી હતો. જોકે બાદમાં તેને જામીન મળી ગયા હતા.આ ઘટના બાદ તેના ચાહકોમાં શોકની લહેર છે.
દીપ સિદ્ધુ પંજાબી ફિલ્મોના ફેમસ એક્ટર છે. તેણે પોતાના કરિયરમાં ઘણી મોટી પંજાબી ફિલ્મો કરી છે. તો,તેઓ કૃષિ કાયદા વિરુદ્ધ આંદોલનમાં મોટી ભૂમિકામાં હતા.તેમણે માત્ર ચળવળમાં આક્રમક ભૂમિકા ભજવી ન હતી, પરંતુ 26 જાન્યુઆરીએ રાજધાની દિલ્હીમાં લાલ કિલ્લા પર ટ્રેક્ટર પરેડ દરમિયાન હિંસાની ઘટનાઓ સાથે પણ તેમનું નામ જોડવામાં આવ્યું હતું. દીપ સિદ્ધુ પર વિરોધીઓને ઉશ્કેરવાનો પણ આરોપ હતો. બાદમાં ખેડૂતોના આંદોલનના મોટા નેતાઓએ પણ તેમને દૂર રાખ્યા હતા.
દીપે ‘રમતા જોગી’, ‘જોરા 10 નંબરિયા’, ‘જોરાઃ ધ સેકન્ડ ચેપ્ટર’ જેવી પંજાબી ફિલ્મોમાં કામ કરીને અભિનેતા તરીકે પોતાની ઓળખ બનાવી હતી.