Site icon Revoi.in

રામ ચરણે તેમના જન્મદિવસ પર ફેંસને આપી રિટર્ન ગિફ્ટ,આગામી ફિલ્મ ગેમ ચેન્જરની જાહેરાત કરી

Vinayak Barot
Social Share

મુંબઈ : ગયા વર્ષે ‘RRR’ની શાનદાર સફળતા પછી, રામ ચરણ તેની આગામી ફિલ્મ માટે તૈયાર છે. અને આ સાથે આજે સાઉથના સુપરસ્ટાર રામચરણનો જન્મદિવસ પણ છે. તેણે જન્મદિવસની રિટર્ન ગિફ્ટ તરીકે કિયારા અડવાણી સાથેની આગામી ફિલ્મનું ટાઇટલ તેના ચાહકો સાથે શેર કર્યું છે. આજે, 27 માર્ચે તેમના જન્મદિવસના અવસર પર, તેણે વહેલી સવારે ટ્વિટ કરીને ઇન્ટરનેટ પર ખળભળાટ મચાવી દીધો છે. શંકર દ્વારા નિર્દેશિત, રામ ચરણની 15મી ફિલ્મનું નામ ‘ગેમ ચેન્જર’ છે.

 રામ ચરણે ટાઈટલ શેર કર્યું 

સોશિયલ મીડિયા પર સમાચાર શેર કરતા રામ ચરણે લખ્યું, “ગેમ ચેન્જર!!!” શીર્ષક શેર કરતા  વિડીયો રિલીઝ.

ફર્સ્ટ લુક ટૂંક સમયમાં થશે રિલીઝ

ફિલ્મના રામ ચરણનો ફર્સ્ટ લુક મેકર્સ પછીથી રિલીઝ કરવામાં આવશે. કાર્તિક સુબ્બુરાજ દ્વારા લખાયેલ, ‘ગેમ ચેન્જર’ શંકરના તેલુગુ ડેબ્યુને દર્શાવે છે. રામ ચરણ અને કિયારા અડવાણી ઉપરાંત, ફિલ્મમાં અંજલિ, એસજે સૂર્યા, જયરામ, સુનીલ, શ્રીકાંત, નવીન ચંદ્રા, નાસાર, સમુતિરકાની, રઘુ બાબુ અને અન્ય મુખ્ય ભૂમિકામાં છે. જ્યારે ફિલ્મની જાહેરાત કરવામાં આવી, ત્યારે નિર્માતાઓએ સૂટ પહેરેલા કલાકારોને દર્શાવતું એક પોસ્ટર બહાર પાડ્યું, જેણે ફિલ્મની વાર્તા વિશે ઉત્સુકતા પેદા કરી. જોકે, મેકર્સે ફિલ્મની વાર્તા અને થીમને છુપાવી રાખી છે.

રામ ચરણ તેની ફિલ્મ ‘RRR’ ની સફળતાથી ખુશ છે, જેણે શનિવારે તેની રિલીઝને એક વર્ષ પૂર્ણ કર્યું છે. આ ફિલ્મે તેના ગીત ‘નાટુ નાટુ’ માટે ભારતને ઓસ્કાર જીત્યો, જે રામ અને સહ કલાકાર જુનિયર એનટીઆર પર ફિલ્માવામાં આવ્યું હતું.