- મેરી કોમે કઝાકિસ્તાનની નાજિમ કૈયેબ સામે ફાઇનલમાં હારનો સામનો કરવો પડ્યો
- ફાઇનલમાં હાર બાદ ભારતીય મહિલા બોક્સિંગ ચેમ્પિયને સિલ્વર મેડલ પોતાના નામે કર્યો
- મેરી કોમ 6 વાર વિશ્વ ચેમ્પિયન રહી ચૂકી છે
નવી દિલ્હી: એમસી મેરી કોમે રવિવારે કઝાકિસ્તાનની નાજિમ કૈયેબ સામે ફાઇનલમાં હારનો સામનો કરવો પડ્યો છે. ફાઇનલમાં હાર બાદ ભારતીય મહિલા બોક્સિંગ ચેમ્પિયને સિલ્વર મેડલ પોતાના નામે કર્યો છે. આપને જણાવી દઇએ કે, મેરી કોમ 6 વાર વિશ્વ ચેમ્પિયન રહી ચૂકી છે.
આ ફાઇનલ મેચમાં મેરી કોમે 2-3 પોઇન્ટની હારનો સામનો કર્યો હતો. આ ટૂર્નામેન્ટમાં તેમનું આ સાતમું પદક હતું. તેમણે પહેલું ગોલ્ડ મેડલ વર્ષ 2003માં જીત્યું હતું.
ઉંમરમાં પોતાની 11 વર્ષ નાની બોક્સિંગ ચેમ્પિયન વિરુદ્ધ 38 વર્ષની મેરી કોમે શાનદાર શરુઆત કરી હતી અને પોતાની આગવી બોક્સિંગ સ્કિલથી પહેલા રાઉન્ડમાં પ્રવેશ મેળવી લીધો હતો. પરંતુ અંતિમ રાઉન્ડમાં શ્રેષ્ઠ પ્રદર્શન કરતાં કઝાકિસ્તાનની મહિલા બોક્સિંગ ચેમ્પિયને બાજી મારી હતી.
જોકે મેચની અંતિમ મિનિટોમાં મેરી કો મે ગેમમાં વાપસી કરી હતી, પરંતુ તેમના પ્રયત્ન ગોલ્ડ મેડલ જીતવા પૂરતા ન હતા. તેમણે આ મેચમાં હાર્યા બાદ 5000 ડોલરનું પુરસ્કાર પણ મેળવ્યું હતું. ફાઇનલમાં જીત્યા પછી કઝાકિસ્તાનની બોક્સિંગ ચેમ્પિયને ગોલ્ડ મેડલ સહિત 10,000 ડોલરનું પુરસ્કાર મેળવ્યું હતું.
મહત્વનું છે કે, કઝાકિસ્તાનની મહિલા બોક્સિંગ ચેમ્પિયન કૈજેબે બે વાર વિશ્વ ચેમ્પિયનનો ખિતાબ હાંસલ કરી ચૂકી છે.