તાજેતરમાં જ પશ્વિમ બંગાળમાં શરુ થયેલી વંદેભારત ટ્રેન પર પથ્થરમારાની ઘટના સામે આવી – તપાસના આદેશ

વડા પ્રધાન નરેન્દ્ર મોદીએ પશ્ચિમ બંગાળના મુખ્ય પ્રધાન મમતા બેનર્જીની હાજરીમાં 30 ડિસેમ્બર, 2022 ના રોજ હાવડા અને ન્યૂ જલપાઈગુડીને જોડતી વંદે ભારત એક્સપ્રેસને ફ્લેગ ઓફ કરી હતી.જેના 2 દિવસની અંદર જ આ ઘટના સામે આવી છે ત્યારે અનેક સવાલો તંત્ર સામે પણ ઉઠી રહ્યા છે.પશ્ચિમ બંગાળમાં, વિપક્ષના નેતા અને BJP BJP શુભેંદુ અધિકારીએ આ ઘટનાની NIA તપાસની માંગ કરી છે.

આ બાબતે તેણે ટ્વીટ કરીને કહ્યું- આ ઘટના દુર્ભાગ્યપૂર્ણ છે. પશ્ચિમ બંગાળના માલદા જિલ્લામાં ભારતની ગૌરવ વંદે ભારત એક્સપ્રેસ પર પથ્થરમારો કરવામાં આવ્યો હતો. શું ઉદ્ઘાટનના દિવસે ‘જય શ્રી રામ’ના નારા લગાવવાનો આ બદલો છે? હું પીએમ નરેન્દ્ર મોદી, ભારતીય રેલ્વેને વિનંતી કરું છું કે તેઓ આ મામલાની તપાસ NIAને  સોંપે જેથી કરીને આમ કરનાર સામે કાર્યવાહી કરવામાં આવે.