દિલ્હી:રાષ્ટ્રીય રાજધાની ક્ષેત્રની હવા ફરી એકવાર ગંભીર સ્થિતિમાં પહોંચી ગઈ છે.આને કારણે, ગ્રેડેડ રિસ્પોન્સ એક્શન પ્લાન (GRAP)નો ત્રીજો તબક્કો અહીં તાત્કાલિક અસરથી લાગુ કરવામાં આવ્યો છે.બિનજરૂરી બાંધકામો અને ડિમોલિશનના કામો બંધ કરવા સૂચના આપવામાં આવી છે.જીઆરએપીના અમલ માટે જવાબદાર સબ-કમિટીની બેઠકમાં આ નિર્ણય લેવામાં આવ્યો હતો અને તમામ એનસીઆર રાજ્યોને તેનો અમલ કરવા માટે કહેવામાં આવ્યું છે.
આ પહેલા 5 ડિસેમ્બરે GRAPનો ત્રીજો તબક્કો દિલ્હીમાં લાગુ કરવામાં આવ્યો હતો અને 25 દિવસ બાદ શુક્રવારે ફરી એકવાર તેને લાગુ કરવામાં આવ્યો છે.
ગુરુવારે દિલ્હીનો હવા ગુણવત્તા સૂચકાંક 306 નોંધાયો હતો.તે જ સમયે, બુધવારે આ આંકડો AQI 321 હતો.ફરીદાબાદનો ઇન્ડેક્સ દિલ્હી કરતાં વધુ હતો, જ્યારે બહાદુરગઢ, બલ્લભગઢ, ચરખી દાદરી, ગાઝિયાબાદ, ગ્રેટર નોઇડા, નોઇડા, ગુરુગ્રામનો ઇન્ડેક્સ દિલ્હી કરતાં ઓછો, ખૂબ જ નબળી શ્રેણીમાં નોંધાયો હતો.SAFAR એ આગાહી કરી છે કે,દિલ્હીનું પ્રદૂષણ સ્તર આગામી છ દિવસ સુધી અત્યંત નબળી શ્રેણીમાં રહી શકે છે.આગામી દિવસોમાં વધતા ધુમ્મસ અને વધતી ઠંડીના કારણે પ્રદુષણનું સ્તર ફરી એકવાર વધવાની આગાહી કરવામાં આવી હતી.