- જુગ જુગ જિયોનું ટ્રેલર 22 મેં ના રોજ થશે રિલીઝ
- વરુણ ધવનની સાથે કિયારા અડવાણી જોવા મળશે
મુંબઈ:વરુણ ધવન, કિયારા અડવાણી, અનિલ કપૂર, નીતુ કપૂર, મનીષ પોલ અને પ્રાજક્તા કોલી અભિનીત બહુપ્રતિક્ષિત ફિલ્મ જુગ જુગ જિયોની લોકો આતુરતાથી રાહ જોઈ રહ્યા છે.તાજેતરમાં જ ફિલ્મના પોસ્ટરોનું અનાવરણ કરવામાં આવ્યું હતું અને તમામ કલાકારોએ ફની વીડિયો દ્વારા તેમના પાત્રોનો પરિચય કરાવ્યો હતો જેને ચાહકો પ્રેમ કરી રહ્યા છે અને સોશિયલ મીડિયા પર ધૂમ મચાવી રહ્યા છે.
અનિલ કપૂર આ વીડિયોમાં ભીમનું પાત્ર ભજવી રહ્યા છે જે તેણે ફંકી સૂટ પહેર્યો હતો અને તે પોતાની જાતને એક એવા માણસ તરીકે રજૂ કરી રહ્યો છે જે આકર્ષણનું કેન્દ્ર બનવા માંગે છે અને આત્મ મુગ્ધ છે. વરુણ ધવન ડેશિંગ કુકુનું પાત્ર ભજવી રહ્યો છે જે ‘દિલ’ થી અમીર છે. નીતુ કપૂર ગીતાનું પાત્ર ભજવે છે, જે ‘ઘર કી ખુશી’ને પોતાની ટોચની પ્રાથમિકતા માને છે. કિયારા નૈનાના રોલમાં ટૂંક સમયમાં દિલ ચોરવા આવી રહી છે.મનીષ પૉલ ગુરપ્રીત તરીકે બધાને હસાવવા અને પ્રાજક્તા કોલી ગિન્ની તરીકે તેની બબલી સ્ટાઈલમાં ચમકાવવા માટે તૈયાર છે.
ચાહકોનો ઉત્સાહ જોઈને નિર્માતાઓએ આજે 22મી મેના રોજ એક મજેદાર ડાન્સિંગ વીડિયો સાથે ટ્રેલર રિલીઝ કરવાની જાહેરાત કરી છે. રાજ મહેતા દ્વારા નિર્દેશિત, “જુગ જુગ જિયો” 24 જૂન, 2022 ના રોજ સિનેમાઘરોમાં આવશે.