નવી દિલ્હી, 19 જુલાઈ 2026: યુક્રેને રશિયા પર ડ્રોન દ્વારા મોટો હુમલો કર્યો છે. આ હુમલામાં નવ લોકોના મોત થયા છે, જ્યારે 80થી વધુ લોકો ઘાયલ થયા હોવાના અહેવાલ છે. રશિયન અધિકારીઓના જણાવ્યા અનુસાર, યુક્રેનિયન ડ્રોન્સે રશિયાની અગ્રણી ઓનલાઇન કંપની ‘વાઇલ્ડબેરીઝ’ (Wildberries) ના બે મોટા વેરહાઉસને નિશાન બનાવ્યા હતા; તેમાંથી એક વેરહાઉસ મોસ્કો નજીકના ‘ઈલેક્ટ્રોસ્ટાલ’ શહેરમાં અને બીજું ‘તમ્બોવ’ વિસ્તારના ‘કોટોવસ્ક’માં આવેલું હતું.
આ ઉપરાંત, મોસ્કો ક્ષેત્રના નોગિન્સ્ક શહેરમાં આવેલા એક ઓઈલ ડેપોને ડ્રોન દ્વારા નિશાન બનાવવામાં આવ્યું, જેનાથી ત્યાં આગ લાગી હતી. આસપાસના વિસ્તારોમાંથી લોકોને સુરક્ષિત રીતે બહાર કાઢવામાં આવ્યા હતા. યુક્રેન રશિયાની યુદ્ધ ક્ષમતાઓને નબળી પાડવા માટે તેના ઊર્જા અને સૈન્ય મથકો પર સતત હુમલા કરી રહ્યું છે.