કેન્દ્રીય મંત્રી જ્યોતિરાદિત્ય સિંધિયા કોરોનાથી સંક્રમિત,ટ્વિટ કરીને આપી માહિતી  

•  જ્યોતિરાદિત્ય સિંધિયા કોરોનાથી સંક્રમિત
• ટ્વિટ કરીને આપી જાણકારી 
• તેમની આજે ભોપાલની મુલાકાત રદ કરવામાં આવી

દિલ્હી : કેન્દ્રીય નાગરિક ઉડ્ડયન મંત્રી જ્યોતિરાદિત્ય સિંધિયા કોરોના પોઝિટિવ આવ્યા છે. તેણે પોતે ટ્વીટ કરીને આ અંગેની માહિતી આપી છે. જોકે,તેઓ કોરોના પોઝિટિવ આવતા આજે તેમની ભોપાલની મુલાકાત રદ કરવામાં આવી છે.તેણે પોતાના ટ્વીટમાં કહ્યું કે ડોક્ટરોની સલાહ પર કોવિડ-19ની તપાસમાં મારો રિપોર્ટ પોઝિટિવ આવ્યો છે. આ દરમિયાન તેણે કહ્યું કે છેલ્લા કેટલાક દિવસોમાં મારા સંપર્કમાં આવેલા તમામ લોકોએ સાવચેતી રાખવી જોઈએ.

તેમણે કહ્યું, “ડોક્ટરોની સલાહ પર કરવામાં આવેલા કોવિડ-19ના ટેસ્ટમાં મારો રિપોર્ટ પોઝિટિવ આવ્યો છે. છેલ્લા કેટલાક દિવસોમાં મારા સંપર્કમાં આવેલા તમામ લોકોને મારી વિનંતી છે કે, સાવચેતી રાખો અથવા નજીકના આરોગ્ય કેન્દ્રની મુલાકાત લો. જાઓ તમારી તપાસ કરાવો.”

કેન્દ્રીય નાગરિક ઉડ્ડયન મંત્રી જ્યોતિરાદિત્ય સિંધિયા ગ્વાલિયરથી દિલ્હી પહોંચ્યા. ત્યાંના ડોક્ટરોએ તેમને કોરોના ટેસ્ટ કરાવવાની સલાહ આપી. તપાસ બાદ સોમવારે સાંજે સિંધિયાનો કોવિડ ટેસ્ટ રિપોર્ટ પોઝિટિવ આવ્યો છે. નોંધનીય છે કે ગ્વાલિયરમાં કોવિડ સંક્રમણ વધી રહ્યું છે. સોમવારે ત્યાં 10 કોરોના સંક્રમિત મળી આવ્યા છે. શહેરમાં એક કોરોનાના સક્રિય કેસની સંખ્યા વધીને 28 થઈ ગઈ છે.

આરોગ્ય વિભાગના અહેવાલ મુજબ જબલપુરમાં સૌથી વધુ 20 પોઝિટિવ જોવા મળ્યા છે. આ પછી ભોપાલમાં 15, સાગર અને રાજગઢમાં 3-3 દર્દી મળી આવ્યા છે. આ સિવાય ઈન્દોરમાં 2 અને રાયસેન, ગ્વાલિયર અને ઉજ્જૈનમાં 1-1 સંક્રમિત મળી આવ્યા છે. આ પૈકી 8 દર્દીઓ હોસ્પિટલમાં દાખલ છે. જોકે, રાહતની વાત એ છે કે કોઈ ઓક્સિજન સપોર્ટ પર નથી. ભોપાલની હોસ્પિટલમાં પાંચ અને ઈન્દોરમાં ત્રણ દર્દીઓ દાખલ છે. રાજ્યના રિપોર્ટ અનુસાર, અત્યાર સુધીમાં 10 લાખ 55 હજાર 673 દર્દીઓ સંક્રમિત થયા છે. તેમાંથી 10 લાખ 44 હજાર 588 સાજા થયા છે. સરકારી રેકોર્ડ મુજબ કોરોનાને કારણે અત્યાર સુધીમાં 10 હજાર 779 દર્દીઓના મોત થયા છે.