નવી દિલ્હી, 11 મે 2026: Uttarakhand Administration ઉત્તરાખંડ વહીવટીતંત્રે રાજ્યમાં પ્રતિકૂળ હવામાન પરિસ્થિતિઓ વચ્ચે ચાર ધામ યાત્રા પર જતા યાત્રાળુઓ અને પ્રવાસીઓને સાવચેતી રાખવા અને સલામતીના પગલાંનું પાલન કરવાની અપીલ કરી છે. હવામાન વિભાગે ઉત્તરાખંડના વિવિધ ભાગોમાં, ખાસ કરીને પર્વતીય પ્રદેશોમાં આવતીકાલે અને બુધવારે પ્રતિકૂળ હવામાન અને વરસાદ માટે ઓરેન્જ એલર્ટ જારી કર્યું છે.
ગઢવાલ ડિવિઝન કમિશનર વિનય શંકર પાંડેએ યાત્રાળુઓ અને પ્રવાસીઓને હવામાનની સ્થિતિથી વાકેફ રહેવા અને તેમના પ્રવાસના કાર્યક્રમનું કાળજીપૂર્વક આયોજન કરવા અપીલ કરી છે. રાજ્યમાં પ્રતિકૂળ હવામાનની આગાહીને ધ્યાનમાં રાખીને, પાંડેએ યાત્રાળુઓને 12 અને 13 મેના રોજ તેમના પ્રવાસના કાર્યક્રમનું આયોજન કરતી વખતે વધુ સતર્ક રહેવા વિનંતી કરી હતી. તેમણે જણાવ્યું હતું કે યાત્રાળુઓ માટે જરૂરી વ્યવસ્થા સુનિશ્ચિત કરવા માટે તમામ સંબંધિત સરકારી વિભાગોને સૂચનાઓ જારી કરવામાં આવી છે.
વધુ વાંચો: ભારત વિશ્વમાં સ્થાપિત નવીનીકરણીય ઉર્જા ક્ષમતામાં ત્રીજા ક્રમે