આજે દરેક વ્યક્તિ પાસે સોશિયલ મીડિયા એકાઉન્ટ છે અને દરેક વ્યક્તિ જેની પાસે સ્માર્ટફોન છે તેની પાસે ચોક્કસપણે Google એકાઉન્ટ છે. અમે ગૂગલ એકાઉન્ટ દ્વારા ઘણા લોકોને દરેક પ્રકારની વસ્તુઓ મોકલીએ છીએ, પરંતુ શું તમે ક્યારેય વિચાર્યું છે કે જે લોકો આ દુનિયાને કાયમ માટે અલવિદા કહે છે તેમના ડિજિટલ ડેટા (ડિજિટલ એકાઉન્ટ)નું શું થાય છે?
• મૃત્યુ પછી ગૂગલ એકાઉન્ટનું શું થાય છે?
ગૂગલ કે અન્ય કોઈ કંપની પાસે એવું કોઈ સાધન નથી કે જે કોઈના મૃત્યુ વિશે તાત્કાલિક માહિતી આપી શકે. જો ગુગલ એકાઉન્ટ લાંબા સમયથી એક્ટિવ ના તો આવા એકાઉન્ટને અનએક્ટિવ એકાઉન્ટ કેટેગરીમાં મૂકવામાં આવે છે. ગૂગલ માની લે છે કે આ એકાઉન્ટનો માલિક હવે આ દુનિયામાં નથી.
આ માટે ગૂગલ પાસે એક ફીચર છે જેના દ્વારા તમે નક્કી કરી શકો છો કે તમારા મૃત્યુ પછી તમારો ડેટા કોણ હેન્ડલ કરશે અને જીમેલ વગેરે કોણ એક્સેસ કરશે. તમે myaccount.google.com/inactive પર જઈને Googleની આ સુવિધાને એક્સેસ કરી શકો છો.
• મૃત્યુ પછી ફેસબુક એકાઉન્ટનું શું થશે?
ફેસબુકમાં પણ ‘લેગસી કોન્ટેક્ટ’ નામની સમાન સુવિધા છે. આ ફીચર દ્વારા તમે તમારા ફેમિલી મેમ્બર અથવા મિત્રને વારસા તરીકે તમારું ફેસબુક એકાઉન્ટ સોંપી શકો છો. તમે જે વ્યક્તિ પસંદ કરો છો તે તમારી ગેરહાજરીમાં પણ તમારું Facebook એકાઉન્ટ મેનેજ કરી શકશે, જો કે તે વ્યક્તિ ફક્ત પ્રોફાઇલ પિક્ચર, કવર ફોટો અપડેટ કરવાનું અને ફ્રેન્ડ રિક્વેસ્ટનો જવાબ આપવાનું કામ કરી શકશે. તમારા પ્રાઈવેટ મેસેજ વાંચી શકશે નહીં.