અમદાવાદ:વડાપ્રધાન મોદીના માતા હીરાબેન મોદીનું આજે સવારે નિધન થયું છે.પીએમને તેમની માતા પ્રત્યે ઊંડો પ્રેમ હતો.તેઓ અનેક જાહેર મંચોમાં આનો ઉલ્લેખ કરતા રહે છે.પરંતુ શું તમે જાણો છો કે પીએમના પરિવારમાં અન્ય કોણ કોણ છે?
વડા પ્રધાન નરેન્દ્ર મોદી 7 લોક કલ્યાણ માર્ગ સ્થિત નિવાસસ્થાનમાં રહે છે, અને તેમનો સમગ્ર પરિવાર ગુજરાતમાં રહે છે.પીએમ મોદીના 6 ભાઈ-બહેન છે.મોદીના મોટા ભાઈનું નામ સોમભાઈ મોદી, બીજા મોટા ભાઈનું નામ અમૃતભાઈ મોદી છે.પીએમ પોતે ત્રીજા નંબરે આવે છે. જ્યારે ચોથા નંબર પર પ્રહલાદ મોદી છે જે પીએમ કરતા 2 વર્ષ નાના છે.સૌથી નાના ભાઈનું નામ પંકજભાઈ મોદી છે.આ સિવાય પીએમ મોદીની એક બહેન છે જેનું નામ વાસંતીબેન હસમુખ લાલ મોદી છે.તેમના પતિનું નામ હસમુખ ભાઈ છે.પીએમ મોદીનો પરિવાર ખૂબ જ ઓછી લાઇમલાઇટમાં રહે છે અને દરેક વ્યક્તિ ખૂબ જ સાદું જીવન જીવે છે.
સોમભાઈ મોદી પીએમ મોદીના મોટા ભાઈ છે. સોમભાઈ મેડિકલ વિભાગમાં નોકરી કરતા હતા, અને હવે તેઓ નિવૃત્ત થયા છે.સોમભાઈ હવે અમદાવાદમાં વૃદ્ધાશ્રમ ચલાવે છે.
પીએમના બીજા મોટા ભાઈનું નામ અમૃતભાઈ મોદી છે. અમૃતભાઈ લેથ મશીન ઓપરેટર હતા.અમૃતભાઈ મોદી વર્ષ 2005માં નિવૃત્ત થયા અને હાલ અમદાવાદમાં રહે છે.તેમનું જીવન ખૂબ જ સાદું છે. તેમની પત્નીનું નામ ચંદ્રકાંત બેન છે. તેમને બે બાળકો છે.તેમનો પુત્ર સંજય ધંધો કરે છે.એકવાર સંજયે પોતે કહ્યું હતું કે,તેમના પરિવારમાં કોઈએ વિમાનને અંદરથી જોયું નથી.
પ્રહલાદ મોદી પીએમના ચોથા ભાઈ છે.પ્રહલાદ મોદી વડાપ્રધાન કરતા 2 વર્ષ નાના છે.તેઓ અમદાવાદમાં જ ટાયરનો શોરૂમ ચલાવે છે.પ્રહલાદ મોદીની પત્નીનું નામ ભગવતીબેન મોદી છે. જેનું 2019માં અવસાન થયું હતું. તેમના પુત્રનું નામ મેહુલ છે. પ્રહલાદ મોદી સામાજિક કાર્યક્રમોમાં ભાગ લેતા રહે છે.
વડાપ્રધાનના સૌથી નાના ભાઈનું નામ પંકજભાઈ મોદી છે.પંકજ મોદી ગાંધીનગરની રાયસણા સોસાયટીમાં રહે છે.તેમની પત્નીનું નામ સીતાબેન છે. પંકજ માહિતી વિભાગમાંથી નિવૃત્ત થયા છે. પીએમ મોદીની માતા તેમની સાથે રહેતી હતી.પીએમ મોદી અને પંકજ મોદી વચ્ચે ખૂબ જ લગાવ છે
પીએમ મોદીને વાસંતીબેન હસમુખ લાલ મોદી નામની એક બહેન પણ છે.તેમના પતિ હસમુખભાઈ એલઆઈસીમાં નોકરી કરે છે.