મુંબઈ:SS રાજામૌલીના RRR ના નાટુ નાટુ ગીતે ‘બેસ્ટ ઓરિજીનલ સોંગ’કેટેગરીમાં ઓસ્કાર એવોર્ડ જીતીને દરેક ભારતીયને ગૌરવ અપાવ્યું.નાટુ-નાટુ ગીતનો ક્રેઝ એટલો વધી ગયો છે કે આ ગીત લોકોના હોઠ પરથી ઉતરી રહ્યું નથી.RRRની આખી ટીમ આનાથી ઘણી ખુશ છે.ઓસ્કાર એવોર્ડ જીતવા પર RRRની આખી ટીમને ઘણા મોટા રાજનેતાઓથી લઈને સેલિબ્રિટીઓએ અભિનંદન પાઠવ્યા હતા. જ્યારથી RRRની ટીમ ભારત પરત આવી છે ત્યારથી તેઓ ખુલ્લેઆમ મીડિયાની સામે પોતાની ખુશી અને ઈચ્છા વ્યક્ત કરી રહ્યા છે.તો ત્યાં રામ ચરણે દિલ્હીમાં એક કોન્ક્લેવમાં ભાગ લીધો હતો, જ્યાં તેણે પોતાની સાથે જોડાયેલા ઘણા ખુલાસા કર્યા હતા.
આ દરમિયાન અભિનેતા રામ ચરણે પણ મીડિયા સાથે ખુલીને વાત કરી હતી. એક મીડિયા ઓર્ગેનાઈઝેશનને આપેલા ઈન્ટરવ્યુમાં અભિનેતા રામ ચરણે કહ્યું કે તેને સ્પોર્ટ્સ ફિલ્મ કરવામાં રસ છે.જ્યારે અભિનેતાને પૂછવામાં આવ્યું કે શું તે મોટા પડદા પર ભારતીય ક્રિકેટર વિરાટ કોહલીની ભૂમિકા ભજવવા માંગે છે, તો તેણે હકારાત્મક જવાબમાં કહ્યું, ‘શાનદાર. તે એક પ્રેરણાદાયી આત્મા છે.તે ઘણી પ્રેરણા આપે છે.મને લાગે છે કે જો તક આપવામાં આવે તો તે ખૂબ સારું રહેશે, કારણ કે હું પણ તેવો જ દેખાઉં છું.
વિરાટ કોહલી પર RRR ના નાટુ-નાટુ ગીતનો ક્રેઝ પણ જોવા મળ્યો છે.વિરાટ ભારત અને ઓસ્ટ્રેલિયા વચ્ચેની પ્રથમ ODI દરમિયાન નાટુ નાટુનું હૂક સ્ટેપ કરતો જોવા મળ્યો હતો.
ઈન્ટરવ્યુ દરમિયાન રામ ચરણે પોતાના ફેવરિટ બોલિવૂડ એક્ટર સલમાન ખાન વિશે પણ વાત કરી હતી. તેણે સલમાન ખાન સાથેની તેની પ્રથમ મુલાકાતનો પણ ખુલાસો કર્યો હતો. સલમાન ખાન રામ ચરણના પિતા મેગાસ્ટાર ચિરંજીવીના ખૂબ સારા મિત્ર છે. આ સાથે રામ ચરણે તેની હોલીવુડની મહત્વાકાંક્ષાઓ વિશે પણ વાત કરી.જો કે, તેણે કોઈપણ વિગતો શેર કરવાનું ટાળ્યું હતું.