- પાકિસ્તાનમાં ભૂકંપના આંચકા
- 3.9 ની નોંધાઈ તીવ્રતા
- કોઈ નુકશાન કે જાનહાનિ નહીં
ઇસ્લામાબાદ:પાકિસ્તાનમાં શુક્રવારે રાત્રે ભૂકંપના આંચકા અનુભવાયા હતા. શુક્રવારે રાત્રે લગભગ 10:58 વાગ્યે ભૂકંપના આંચકા અનુભવાયા હતા અને તેની તીવ્રતા રિક્ટર સ્કેલ પર 3.9 રહી. નેશનલ સેન્ટર ફોર સિસ્મોલોજી દ્વારા આની પુષ્ટિ કરવામાં આવી છે.જોકે,આ ભૂકંપમાં જાનમાલ કે નુકશાનીના સમાચાર સામે આવ્યા નથી.
આ પહેલા જૂનમાં પાકિસ્તાનની રાજધાની ઇસ્લામાબાદમાં ભૂકંપના આંચકા અનુભવાયા હતા. ત્યારે તેની તીવ્રતા રિક્ટર સ્કેલ પર 4.5 રહી હતી. તો, તેનું કેન્દ્ર રાજધાનીથી 146 કિમી દૂર દક્ષિણ -પશ્ચિમમાં હતું.આ ભૂકંપના આંચકા રાજધાની તેમજ તેની આસપાસના વિસ્તારોમાં અનુભવાયા હતા.
આ બાબતે જાણકારોનું માનવું છે કે જમીનની અંદર આવેલી પ્લેટોમાં હલનચલન થવાના કારણે ભૂકંપ આવે છે અને જમીનમાં ધ્રુજારી ઉત્પન થવાના કારણે આંચકાઓ અનુભવાય છે. જમીનની અંદર આવેલી પ્લેટો છેલ્લા કેટલાક સમયથી વધારે સક્રિય થઈ હોવાના કારણે આ પ્રકારની ઘટનાઓ બને છે.