અભિનેતા રણવીર સિંહ વિરાટ કોહલીને પાછળ પછાડીને બન્યા બન્યા ભારતના સૌથી અમીર સેલિબ્રિટી

Vinayak Barot

3 years ago

Social Share

રણવિર સિંહ બન્યો સૌથી અમીર સેલિબ્રિટી
વિરાટ કહોલીને પણ આ મામલે માત આપી

મુંબઈઃ- બોલિવૂડ અભિનેતા રણવિર સિંહ તેમની શાનદાર એક્ટિંગને લઈને જાણીતા છે તેમણે બોલિવૂડમાં અનેક સુપર હિટ ફિલ્મો કરી છે ત્યારે હવે ફરી એક વાર તેઓ સમાચારની હેડલાઇન્સમાં આવ્યા છે. વાતજાણે એમ છે કે હવે અભિનેતા રણવીર સિંહ વિરાટ કોહલીને પાછળ છોડીને ભારતનો સૌથી અમીર સેલિબ્રિટી બની ગયો છે.

કેટલાક મીડિયા રિપોર્ટ્સની જો માનીે તો રણવીર સિંહે વિરાટ કોહલીને ભારતના સૌથી અમીર સેલિબ્રિટી તરીકે પાછળ છોડી દીધો છે. આ રિપોર્ટ અનુસાર, વર્ષ 2022 માટે રણવીર સિંહની બ્રાન્ડ વેલ્યુ વિરાટ કોહલી કરતા વધુ હોવાનું જણાવાયું છે.

જાણકારી મુજબ, રણવીરની બ્રાન્ડ વેલ્યુ 181.7 મિલિયન ડોલર આંકવામાં આવી છે, જ્યારે વિરાટની 176.9 મિલિયન ડોલર હોવાનું કહેવાય છે. આવી સ્થિતિમાં, આંકડાઓ પરથી સ્પષ્ટ થઈ ગયું છે કે રણવીર સિંહ ભારતનો સૌથી ધનિક સેલિબ્રિટી સાબિત થયો છે.

વર્ષ 2021 મુજબ રણવીર સિંહની બ્રાન્ડ વેલ્યુમાં 29.1 ટકાનો વધારો થયો છે. આવી સ્થિતિમાં તમે અંદાજ લગાવી શકો છો કે રણવીર સિંહ લોકોમાં કેટલો પોપ્યુલર છે. ખાસ વાત એ છે કે છેલ્લા પાંચ વર્ષથી ભારતના સૌથી મૂલ્યવાન સેલિબ્રિટી રહેલા વિરાટ કોહલીને પાછળ છોડીને અભિનેતાએ આ તાજ પોતાના નામે કર્યો છે.

રણવીર સિંહ છેલ્લે રોહિત શેટ્ટી નિર્દેશિત ‘સર્કસ’માં જોવા મળ્યો હતો. આ ફિલ્મ બોક્સ ઓફિસ પર ખરાબ રીતે ફ્લોપ રહી હતી. આગામી ફિલ્મોની વાત કરીએ તો રણવીર સિંહ ટૂંક સમયમાં કરણ જોહરના નિર્દેશનમાં બની રહેલી ‘રોકી ઔર રાની કી પ્રેમ કહાની’માં જોવા મળશે.