- એક્ટર સૈફ અલી ખાનનો આજે જન્મદિવસ
- પોતાની દમદાર એક્ટિંગથી ચાહકોનું જીત્યું દિલ
- ફિલ્મ યે દિલલગીથી સેફને મળી સાચી ઓળખ
મુંબઈ :સૈફ અલી ખાનને કોઈ પરિચયની જરૂર નથી. તે લાંબા સમયથી પોતાના શાનદાર અભિનયથી ચાહકોનું દિલ જીતી રહ્યા છે. દરેક ફિલ્મમાં સૈફની એક અલગ સ્ટાઈલ જોવા મળે છે. સૈફને તેની સાચી ઓળખ ફિલ્મ યે દિલલગીથી મળી હતી. ત્યારથી, તેણે આજ સુધી દર્શકોના દિલ જીતી લીધા છે. આજે સૈફ પોતાનો 51 મો જન્મદિવસ ઉજવી રહ્યો છે.
સૈફ અલી ખાનનો જન્મ 16 ઓગસ્ટના રોજ દિલ્હીમાં થયો હતો. તે અભિનેત્રી શર્મિલા ટાગોર અને ભૂતપૂર્વ ભારતીય ક્રિકેટ ટીમના કેપ્ટન મન્સૂર અલી ખાન પટૌડીનો પુત્ર છે. સૈફ અલી ખાને લગભગ બે મહિના માટે દિલ્હીની વિજ્ઞાપન કંપનીમાં કામ કર્યું
એક પારિવારિક મિત્રના કહેવા પર, સૈફ અલી ખાને કપડાંની બ્રાન્ડ ‘ગ્વાલિયર સ્યુટિંગ્સ’ માટે કેટલીક જાહેરાતોમાં કામ કર્યું. પરંતુ, કેટલાક કારણોસર આ પ્રોજેક્ટ આગળ વધ્યો નહીં અને તે મુંબઈ આવી ગયો. તે પછી તેણે બોલિવૂડમાં પોતાની કારકિર્દીની શરૂઆત કરી. સૈફ અલી ખાનની પહેલી ફિલ્મ ‘પરંપરા’ હતી, જે વર્ષ 1992 માં રિલીઝ થઈ હતી, પરંતુ તેની પહેલી ફિલ્મ બોક્સ ઓફિસ પર ફ્લોપ સાબિત થઈ.
સૈફ અલી ખાન પોતાની પ્રોફેશનલ લાઈફની સાથે સાથે પર્સનલ લાઈફ માટે પણ હેડલાઈન્સમાં રહે છે. ખાસ કરીને પત્ની કરિના કપૂર સાથેની તેમની લવ સ્ટોરી વિશે. સૈફ અલી ખાને અને કરીનાએ 2012 માં લગ્ન કર્યા હતા. ડિસેમ્બર 2016 માં કરીનાએ પુત્ર તૈમુરને જન્મ આપ્યો હતો. તાજેતરમાં જ કરીના કપૂર બીજી વખત માતા બની છે. તેમના બીજા પુત્રનું નામ જેહ છે.