અક્ષય કુમારની ફિલ્મ ‘સૂર્યવંશી’ આ દિવસે થશે રિલીઝ  

• અક્ષય કુમારના ચાહકોની રાહ થઇ પૂરી
• ‘સૂર્યવંશી’ દિવાળી પર થશે રિલીઝ
• થિયેટરોમાં થશે રિલીઝ

મુંબઈ:અક્ષય કુમારની ફિલ્મ સૂર્યવંશીના ચાહકો આતુરતાથી રાહ જોઈ રહ્યા હતા.આ ફિલ્મ ગયા વર્ષે રિલીઝ થવાની હતી પરંતુ કોરોના મહામારીને કારણે તેને મુલતવી રાખવામાં આવી હતી. ત્યારથી અત્યાર સુધી આ ફિલ્મ મુલતવી રહી છે. હવે સૂર્યવંશીના ચાહકો માટે સારા સમાચાર છે. આખરે સૂર્યવંશી થિયેટરોમાં રિલીઝ થવા જઈ રહી છે. રોહિત શેટ્ટીના નિર્દેશનમાં બનેલી ફિલ્મ સૂર્યવંશી દિવાળીના પ્રસંગે થિયેટરોમાં રિલીઝ થવા જઈ રહી છે. ફિલ્મના નિર્માતા કરણ જોહરે સોશિયલ મીડિયા પર એક પોસ્ટ શેર કરીને આ માહિતી આપી છે.

મહારાષ્ટ્રમાં 22 ઓક્ટોબરથી થિયેટરો ખુલવા જઈ રહ્યા છે. આ સાથે ફિલ્મના રિલીઝની માહિતી ચાહકોને આપવામાં આવી છે. કરણ જોહરે પોસ્ટ શેર કરી છે. તેમણે લખ્યું – 22 ઓક્ટોબરથી મહારાષ્ટ્રમાં થિયેટરો ખુલવા જઈ રહ્યા છે. છેવટે આપણે કહી શકીએ કે પોલીસ આવી રહી છે… સૂર્યવંશી રોહિત શેટ્ટીની ફિલ્મ આ દિવાળી પર આવી રહી છે.

સૂર્યવંશીની રીલીઝીંગ વિશે અક્ષય કુમારે પણ પોસ્ટ શેર કરીને માહિતી આપી છે. તેમણે રણવીર સિંહ, અજય દેવગણ અને રોહિત શેટ્ટી સાથે એક તસવીર શેર કરતાં તેમણે લખ્યું – ઘણા પરિવારોએ તમારો આભાર માન્યો હશે શ્રી ઉદ્ધવ ઠાકરે જી. હું ખૂબ આભારી છું કે,22 ઓક્ટોબરથી મહારાષ્ટ્રમાં થિયેટરો ખુલવા જઈ રહ્યા છે. હવે કોઈના રોકાવાના કારણે તે અટકશે નહીં. પોલીસ આવી રહી છે. દિવાળી 2021.

દિવાળીના અવસર પર હોલીવુડ ફિલ્મ ઇન્ટરનલ્સ રિલીઝ થવા જઈ રહી છે. આ ફિલ્મ ભારતમાં 6 ભાષાઓમાં રિલીઝ થશે. દિવાળી નિમિત્તે સૂર્યવંશી અને સુપરહીરોની ટક્કર થવા જઈ રહી છે. જો બીજી કોઈ ફિલ્મ પણ દિવાળી પર રિલીઝ થશે તો તે ફિલ્મોના બોક્સ ઓફિસ કલેક્શનને અસર કરશે.

કેટરિના કૈફ સૂર્યવંશીમાં અક્ષય કુમાર સાથે મુખ્ય ભૂમિકામાં જોવા મળશે.બીજી બાજુ અજય દેવગણ અને રણવીર સિંહ ગેસ્ટ અપીરિયંસમાં જોવા મળશે. ફિલ્મનું ટ્રેલર રિલીઝ કરવામાં આવ્યું છે. હવે દરેક વ્યક્તિ ફિલ્મની રિલીઝની આતુરતાથી રાહ જોઈ રહ્યા છે.