એડવાન્સ બુકિંગમાં ‘ડંકી’ અને ‘સાલાર’ વચ્ચે અદ્ભુત ટક્કર,જાણો કમાણીના મામલે કોણે મારી બાજી

મુંબઈ:વર્ષ 2023 ની બે મોસ્ટ અવેટેડ ફિલ્મો ટૂંક સમયમાં રિલીઝ થવા જઈ રહી છે. શાહરૂખ ખાનની ફિલ્મ ‘ડંકી’ અને સાઉથના સુપરસ્ટાર પ્રભાસની ફિલ્મ ‘સાલાર’ બંનેની રિલીઝની ચાહકો આતુરતાથી રાહ જોઈ રહ્યા છે. ફિલ્મ રિલીઝ થવામાં હવે ગણતરીના દિવસો જ બાકી છે. જહાં ‘ડંકી’ 21મી ડિસેમ્બરે સિનેમાઘરોમાં રિલીઝ થવા જઈ રહી છે.પ્રભાસની ફિલ્મ ‘સાલાર’ 22મી ડિસેમ્બરે સિનેમાઘરોમાં રિલીઝ થવા જઈ રહી છે. આવી સ્થિતિમાં બંને ફિલ્મોની રિલીઝ પહેલા એડવાન્સ બુકિંગ પૂરજોશમાં થઈ રહી છે. તો ચાલો જાણીએ ‘ડંકી’ અને ‘સાલાર’ વચ્ચે અત્યાર સુધીની કમાણી મામલે કઈ ફિલ્મ આગળ છે.

‘ડંકી’ અને ‘સાલાર’ બંને ફિલ્મોએ અત્યાર સુધીમાં એડવાન્સ બુકિંગમાં કરોડો રૂપિયાનું કલેક્શન કર્યું છે.રિપોર્ટ અનુસાર, પ્રભાસની ફિલ્મ ‘સાલાર’એ પહેલા દિવસની એડવાન્સ બુકિંગમાં અત્યાર સુધીમાં 2,21,344 ટિકિટ વેચી છે અને 5.45 કરોડ રૂપિયાનું કલેક્શન કર્યું છે.શાહરૂખ ખાનની ડંકીની વાત કરીએ તો રિપોર્ટ અનુસાર, શાહરૂખ ખાનની ફિલ્મે પહેલા દિવસે અત્યાર સુધીમાં 2,29,496 ટિકિટ વેચી છે અને 6.77 કરોડ રૂપિયાનો બિઝનેસ કર્યો છે. એટલે કે, તે સ્પષ્ટ છે કે અત્યાર સુધી શાહરૂખની ‘ડંકી’ કમાણીના મામલે પ્રભાસની ‘સાલાર’ કરતા આગળ છે. ‘ડંકી’ એ ‘સાલાર’ કરતા લગભગ એક કરોડ વધુ કલેક્શન કર્યા છે.

‘ડંકી’માં કલાકારોની એક શાનદાર ટીમ છે, જેમાં શાહરૂખ ખાનની સાથે બોમન ઈરાની, તાપસી પન્નુ, વિકી કૌશલ, વિક્રમ કોચર, અનિલ ગ્રોવર જેવા મહાન કલાકારોએ ભૂમિકાઓ ભજવી છે. Jio સ્ટુડિયો, રેડ ચિલીઝ એન્ટરટેઈનમેન્ટ અને રાજકુમાર હિરાણી ફિલ્મ્સ દ્વારા પ્રસ્તુત, રાજકુમાર હિરાણી અને ગૌરી ખાન દ્વારા નિર્મિત, અભિજાત જોશી, રાજકુમાર હિરાણી અને કનિકા ધિલ્લોન દ્વારા લખાયેલ, ડંકી 21મી ડિસેમ્બર 2023ના રોજ રિલીઝ થવાની છે.’સાલાર’ વિશે વાત કરીએ તો, હોમ્બલે ફિલ્મ્સ દ્વારા નિર્મિત સાલાર: ભાગ 1 સીઝફાયર ફિલ્મ નિર્માતા પ્રશાંત નીલ દ્વારા નિર્દેશિત છે અને તેમાં પ્રભાસ, શ્રુતિ હાસન, પૃથ્વીરાજ સુકુમારન અને જગપતિ બાબુ જેવા કલાકારોનો સમાવેશ થાય છે. આ ફિલ્મ 22 ડિસેમ્બરે સિનેમાઘરોમાં આવશે.