- આયુષ્માને નવી ફિલ્મની કરી જાહેરાત
- એક્શન હીરો બનીને મારશે ફિલ્મમાં એન્ટ્રી
- નવા કંન્ટેન્ટ સાથે જોવા મળી શકે છે આયુષ્માન
મુંબઈ :આયુષ્માન ખુરાના કે જે દરેક ફિલ્મોમાં કંઇકને કંઇક નવું કન્ટેન્ટ લઈને આવે છે, લોકોને તેની ફિલ્મોનું કંન્ટેન્ટ પસંદ આવે છે અને સાથે સાથે આયુષ્માન ખુરાનાની એક્ટિંગ પણ, હવે ફરીવાર આયુષ્માન ખુરાના લાંબા સમય પછી પડદા પર પરત ફરવા તૈયાર છે.
ફિલ્મની જાહેરાત કરતા નિર્માતા ભૂષણ કુમાર અને ટી-સિરીઝના વડાએ કહ્યું કે “આયુષ્માન આ ફિલ્મમાં એક્શન હીરોના પાત્રને સંપૂર્ણ રીતે બંધબેસે છે. આ ટી-સિરીઝ અને આયુષ્માન વચ્ચેનો ચોથો સહયોગ પણ છે, જે તેમાં સામેલ દરેક લોકો માટે વધુ ખાસ બનાવે છે. અમે ફ્લોર પર જવા અને તેને પાત્ર જીવતા જોવા માટે રાહ જોઈ શકતા નથી.”
આયુષ્માને ફિલ્મનું ટીઝર સોશિયલ મીડિયા પર શેર કર્યું છે. તે ફરી એક વખત આનંદ એલ રાય સાથે કામ કરવા જઈ રહ્યા છે. પોસ્ટ શેર કરતી વખતે આયુષ્માને લખ્યું – સમસ્યા માત્ર એક જ છે, મને લડાઈની એક્ટિંગ આવડે છે, લડવાનું નહીં. હું આ જોનર માટે ખૂબ જ ઉત્સાહિત છું. આનંદ એલ રાય અને ભૂષણ કુમાર સાથે કોલેબ કરી રહ્યો છું.
એક્શન હીરો વિશે આયુષ્માને કહ્યું, “હું આનંદ સર સાથે ત્રીજી વખત કામ કરીને રોમાંચિત છું અને મને અપેક્ષા છે કે એક્શન હીરો સાથે વિશ્વભરના પ્રેક્ષકોનું મનોરંજન કરવાનો અમારો ટ્રેક રેકોર્ડ ચાલુ રહેશે. હું ફરીથી ભૂષણ જી સાથે કામ કરવા માટે ખૂબ જ ઉત્સાહિત છું. કલર યેલો અને ટી-સિરીઝ મારા માટે બીજા ઘર જેવું છે. મને તરત જ એક્શન હીરોની સ્ક્રિપ્ટ ગમી. તે ફ્રેશ છે, તે વિઘટનકારી છે અને તેમાં સિનેમાના તમામ ગુણો છે જેના માટે હું જાણીતો છું. ”