- ગુજરાતના મુખ્યમંત્રી તરીકે ભૂપેન્દ્ર પટેલ
- આજે બપોરે 2.20 વાગ્યે લેશે શપથ
- સમારોહમાં અમિત શાહ પણ રહેશે ઉપસ્થિત
ગાંધીનગર :વિધાનસભાની ચૂંટણીના થોડા મહિના પહેલા વિજય રૂપાણીએ સીએમના પદ પરથી રાજીનામું આપ્યાના બે દિવસ પછી ભૂપેન્દ્ર પટેલ સોમવારે એટલે કે આજે બપોરે ગુજરાતના મુખ્યમંત્રી તરીકે શપથ લેશે. ગુજરાતના નવા મુખ્યમંત્રી બનેલા ભૂપેન્દ્ર પટેલ આજે બપોરે 2.20 વાગ્યે શપથ લેવા જઈ રહ્યા છે. બે દિવસ બાદ કેબિનેટ મંત્રીઓને શપથ લેવડાવવામાં આવશે.
ભાજપના સૂત્રોએ જણાવ્યું છે કે,ગૃહમંત્રી અમિત શાહ પોતે આ શપથ સમારોહનો ભાગ બનવા જઈ રહ્યા છે. તેઓ આજે બપોરે 12.30 વાગ્યે અમદાવાદ પહોંચી રહ્યા છે. ગુજરાતમાં પાટીદાર સમાજમાં પટેલનો મજબૂત પ્રભાવ હોવાનું માનવામાં આવે છે, જેને ભાજપે આગામી ચૂંટણી જીતવા માટે તૈયાર કરી છે. પ્રથમ વખત ધારાસભ્ય ભૂપેન્દ્ર પટેલને રવિવારે અહીં ભાજપ વિધાનસભા પક્ષના નેતા તરીકે સર્વાનુમતે ચૂંટવામાં આવ્યા હતા.
ભાજપના સૂત્રોએ જણાવ્યું હતું કે, તેમને સોમવારે બપોરે 2:20 વાગ્યે મુખ્યમંત્રી પદના શપથ અપાવવામાં આવશે. સૂત્રોએ જણાવ્યું હતું કે, સોમવારે શપથ ગ્રહણ સમારોહમાં માત્ર પટેલ જ શપથ લેશે અને બાકીના મંત્રીઓને બાદમાં શપથ લેવડાવવામાં આવશે.
શનિવારે મુખ્યમંત્રી પદેથી રાજીનામું આપનાર વિજય રૂપાણીએ વિધાનસભા પક્ષની બેઠકમાં પટેલને નેતા તરીકે પસંદ કરવાનો પ્રસ્તાવ મૂક્યો હતો, ત્યારબાદ ભૂપેન્દ્ર પટેલના નામની જાહેરાત કરવામાં આવી હતી.