લખનૌઃ 23 ઓગસ્ટના રોજ ચંદ્રયાન 3 ને સફળતા પૂર્વક ચંદ્ર પર સોફ્ટ લેન્ડિંગ કરાવીને ભારતે અવકાશ ક્ષેત્રમાં ઈતિહાસ રચ્યો છેચંદ્રયાન 3 ને ચંદ્રના દક્ષિણ ધ્રુવ પર ઉતારીને સમગ્ર રાષ્ટ્રને ગૌરવ અપાવ્યું છે. ભારતની આ ઐતિહાસિક સિદ્ધિની દુનિયાભરમાં ચર્ચા થઈ રહી છે.
ભારતની આ ગૌરવ ગાથા આવનારા સમયના બાળકો પણ જાણી આવનારી પેઢીઓ પણ તેનાથી પરિચિત થઈ શકે, તેથી હવે બાળકોને ચંદ્રયાન 3 ની સફળતા વિશે શીખવવાની તૈયારીઓ કરવામાં આવી રહી છે.ઉત્તરપ્રદેશના પાઠ્ક્રમમાં ચંદ્રયાન 3 ની ગાથા વર્ણાવાની જાહેરાત કરાઈ છે.
પ્રાપ્ત વિગત પ્રમાણે રાજ્યના માધ્યમિક શિક્ષણ રાજ્ય મંત્રી એવા (સ્વતંત્ર હવાલો) ગુલાબ દેવીએ શૈક્ષણિક અભ્યાસક્રમમાં ચંદ્રયાન 3 ની સફળતાની વાર્તાનો સમાવેશ કરવાની જાહેરાત કરી છે. દેશની આ મહત્વની સિદ્ધિ વિશે વિદ્યાર્થીઓ પુસ્તકોમાં વાંચશે તેમ જણાવ્યું હતું.
પ્રાપ્ત વિગત પ્રમાણે માધ્યમિક શિક્ષણ મંત્રીએ તેમના નિવેદનમાં કહ્યું કે ચંદ્રયાન 3ની સફળતાએ વિશ્વમાં ભારતની પ્રતિષ્ઠા વધારી છે. તેણે પીએમ મોદીની પણ ભારે પ્રસંશા કરી હતી વદ્રયાનની સફળતાએ વિશ્વને ગૌરવ અપાવ્યું છે. તેનો સફળતાનો ઈતિહાસ અભ્યાસક્રમમાં રાખીને બાળકોને પણ પાઠ મળશે. બાળકોએ સફળતા પાછળ વૈજ્ઞાનિકોના સંઘર્ષ અને સમર્પણથી વાકેફ હોવું જોઈએ. માધ્યમિક શિક્ષણ રાજ્ય મંત્રી ગુલાબ દેવીએ ચંદ્રયાન 3ના સફળ મિશન માટે પીએમ મોદી અને ઈસરોના તમામ વૈજ્ઞાનિકોને અભિનંદન પાઠવ્યા છે.
ઉત્તર પ્રદેશના અભ્યાસક્રમમાં ચંદ્રયાન 3ની વાર્તા સામેલ કરવાનો નિર્ણય લેવામાં આવ્યો છે. તેને અભ્યાસક્રમમાં ઈતિહાસ વિષયનો ભાગ બનાવવામાં આવશે. યુપીના માધ્યમિક શિક્ષણ મંત્રી ગુલાબ દેવીએ આ માહિતી આપી છે.
માધ્યમિક શિક્ષણ મંત્રી ગુલાબ દેવીએ કહ્યું કે વૈજ્ઞાનિકોની આ સિદ્ધિએ સમગ્ર વિશ્વમાં ભારતનું નામ રોશન કર્યું છે. બાળકો આ વિષય વિશે સંપૂર્ણ માહિતી મેળવી શકે છે, તેથી તેનો અભ્યાસક્રમમાં સમાવેશ કરવામાં આવશે. બાળકોને આમાંથી શીખવા મળશે.
ચંદ્રયાન 3 ની સક્સેસ સ્ટોરી વાંચીને બાળકો તેના વિશે જાણી શકશે અને આવનારી પેઢી પણ તેના વિશે વાંચીને ગર્વ અનુભવશે. તેથી તેને અભ્યાસક્રમમાં ઉમેરવાને સારી ચાલ તરીકે જોવામાં આવે છે.
