હિન્દી ફિલ્મ જગતના એક સમયના સુપરસ્ટાર દિલીપ કુમાર ભલે હવે આપણી વચ્ચે નથી, પરંતુ તેમનું કામ આજે પણ લોકોમાં જીવંત છે. દિલીપ કુમારે ઈન્ડસ્ટ્રીને શાનદાર ફિલ્મો આપી છે. નવી પેઢી તેમને અનુસરે છે અને અભિનયની યુક્તિઓ શીખે છે. દિલીપ કુમારે 1944માં ડેબ્યૂ કર્યું હતું. તેઓ જ્વાર ભાટા ફિલ્મમાં જોવા મળ્યા હતા. દિલીપ કુમારે વર્ષો સુધી કામ કરવા છતાં તેમની ભૂમિકાઓ પ્રત્યે નિરાશા વ્યક્ત કરી હતી. સાઉથ એશિયા મોનિટર સાથે વાત કરતા તેમણે કહ્યું કે ક્યારેક તે કામના કારણે હતાશ અનુભવે છે.
દિલીપ કુમારે જે તે વખતુ કહ્યું હતું કે, ‘હું આ કહેવા નથી માગતો, પરંતુ સારી ઑફર્સ માટે અઠવાડિયા અને મહિનાઓ સુધી રાહ જોવાને કારણે હું ઘણી વખત નિરાશ થઈ જતો હતો. આજકાલ લોકો મારી પાસે સારી સ્ક્રિપ્ટને બદલે રેડીમેડ ઓડિયો કેસેટ લઈને આવે છે. તેઓ અપેક્ષા રાખે છે કે હું તે જ નકલ કરું. પોતાની સિદ્ધિઓ વિશે વાત કરતાં તેમણે કહ્યું હતું કે, ‘મેં હજી શરૂઆત પણ નથી કરી. ઘણું કરવાનું હતું, પરંતુ આપણે માળખામાં રહીને કામ કરવું પડશે. સારા પ્રદર્શન માટે તમારે સારી ફિલ્મો, થીમ્સ, પાત્રોની જરૂર છે. આપણે દરેક વસ્તુનો વિકાસ કર્યો છે પણ આપણી પાસે આપણા દેશ પ્રમાણે આધુનિક સાહિત્ય નથી. આપણે આપણી સંસ્કૃતિની અવગણના કરી છે. સિનેમા આ બધું બતાવે છે. હું ઈચ્છું છું કે મને કેટલાક સારા પાત્રો ભજવવા મળે. અમારી પાસે જે છે તેને સુધારવાનો પ્રયાસ કરવામાં આવ્યો છે.
દિલીપના કામ વિશે વાત કરીએ તો, 1947માં રિલીઝ થયેલી જુગનુ તેની પ્રથમ બોક્સ ઓફિસ હિટ ફિલ્મ હતી. તેમણે અંદાજ, આન, દાગ, ઇન્સાનિયત, આઝાદ, નયા દૌર, મધુમતી, મુગલ-એ-આઝમ, પૈગામ, ગંગા જમુના અને રામ ઔર શ્યામ જેવી ફિલ્મો કરી છે.