નવી દિલ્હી, 4 ઓગસ્ટ 2026: દેશના અનેક ભાગોમાં ચોમાસું ફરી એકવાર સક્રિય બન્યું છે. હવામાન વિભાગ દ્વારા આજે દેશના વિવિધ રાજ્યોમાં ભારે વરસાદનું અનુમાન લગાવવામાં આવ્યું છે. ખાસ કરીને પૂર્વોત્તર ભારતના રાજ્યો અને પહાડી વિસ્તારોમાં વરસાદનું જોર વધવાની સંભાવના છે.
કયા રાજ્યોમાં ભારે વરસાદની આગાહી?
હવામાન વિભાગની અપડેટ મુજબ આસામ, મેઘાલય, ઉપ-હિમાલયી પશ્ચિમ બંગાળ અને સિક્કિમના કેટલાક ભાગોમાં આજે ભારેથી અતિ ભારે વરસાદની સંભાવના છે. અરુણાચલ પ્રદેશ, બિહાર, નાગાલેન્ડ, મણિપુર, મિઝોરમ અને ત્રિપુરાના છૂટાછવાયા વિસ્તારોમાં પણ ભારે વરસાદ પડી શકે છે.
આ રાજ્યોમાં પણ વરસાદનું જોર રહેશે:
આ સિવાય દેશના અન્ય ઘણા વિસ્તારોમાં પણ દિવસ દરમિયાન વરસાદની સંભાવના વ્યક્ત કરવામાં આવી છે. વિભાગના જણાવ્યા અનુસાર, દિલ્હી, હરિયાણા, ચંદીગઢ, જમ્મુ અને કાશ્મીર, કેરળમ, માહે, હિમાચલ પ્રદેશ, ઓડિશા અને ઉત્તર પ્રદેશના કેટલાક ભાગોમાં દિવસ દરમિયાન ભારે વરસાદની સંભાવના છે.
દરિયાકાંઠાના વિસ્તારો માટે ચેતવણી:
હવામાન વિભાગે ચેતવણી આપી છે કે આંદામાન અને નિકોબાર ટાપુઓ પર આજે વાવાઝોડા સાથે તોફાની પવન ફૂંકાય તેવી શક્યતા છે, જેને લઈને સ્થાનિક તંત્ર અને માછીમારોને સાવચેત રહેવા જણાવાયું છે.