ભારત વિશ્વમાં એક ચમકતું સ્થાન,વિકાસ અને નવીનતાનું ‘પાવરહાઉસ’: PM મોદી

• GDP ગ્રોથનું અનુમાન 0.2 ટકા વધારીને 6.3 ટકા
• પીએમ મોદીએ સોશિયલ મીડિયા ‘X’ પર કહી આ વાત 
• 2023 અને 2024માં તે 6.3 ટકા રહેવાનો અંદાજ

દિલ્હી: વૈશ્વિક અર્થવ્યવસ્થા પરની ચિંતાઓ વચ્ચે ઈન્ટરનેશનલ મોનેટરી ફંડ (IMF) દ્વારા ભારતમાં મજબૂત આર્થિક વૃદ્ધિની આગાહી સાથે વડા પ્રધાન નરેન્દ્ર મોદીએ મંગળવારે જણાવ્યું હતું કે, દેશ વિશ્વમાં એક ચમકતું સ્થાન અને વિકાસ અને નવીનતાનું ‘પાવરહાઉસ’ છે. ઈન્ટરનેશનલ મોનેટરી ફંડ (IMF) એ ભારતની 2023-24 ગ્રોસ ડોમેસ્ટિક પ્રોડક્ટ (GDP) ગ્રોથનું અનુમાન 0.2 ટકા વધારીને 6.3 ટકા કર્યું છે પરંતુ વૈશ્વિક વૃદ્ધિનું અનુમાન ઘટાડીને ત્રણ ટકા કર્યું છે.

IMFના આંકડાઓનો ઉલ્લેખ કરતા મોદીએ સોશિયલ મીડિયા પ્લેટફોર્મ ‘X’ પર લખ્યું, “આપણા લોકોની તાકાત અને કૌશલ્ય સાથે આગળ વધી રહેલું ભારત, વિશ્વમાં એક ચમકતું સ્થાન અને વિકાસ અને નવીનતાનું ‘પાવરહાઉસ’ છે. અમે સમૃદ્ધ ભારત તરફની અમારી સફરને મજબૂત કરવાનું ચાલુ રાખીશું અને અમારા સુધારાના માર્ગને આગળ લઈ જઈશું.”

તેમણે કહ્યું, “ભારતમાં વૃદ્ધિ મજબૂત રહેવાની અપેક્ષા છે. 2023 અને 2024માં તે 6.3 ટકા રહેવાનો અંદાજ છે. વર્ષ 2023 માટે (વૃદ્ધિ દરનો અંદાજ) 0.2 ટકા વધ્યો છે. આ એપ્રિલ-જૂન દરમિયાન અપેક્ષિત વપરાશ કરતાં વધુ મજબૂત પ્રતિબિંબિત કરે છે.