કૈરો, 31 જુલાઈ 2026: Israel attacked Gaza ગાઝા માટે અમેરિકી રાષ્ટ્રપતિ ડોનાલ્ડ ટ્રમ્પની શાંતિ યોજનાના બીજા તબક્કા અંગેની વાતચીત વચ્ચે, ઈઝરાયેલે ગાઝા પટ્ટીના કેટલાક વિસ્તારો પર હુમલા કર્યા છે. આ હુમલાઓમાં બે બાળકો સહિત ચાર લોકોના મોત થયા છે. હમાસ દ્વારા હથિયારો હેઠા મૂકવા અંગેની વાટાઘાટો હાલમાં ઇજિપ્તની રાજધાની કૈરોમાં ચાલી રહી છે.
ખાન યુનિસમાં તંબુઓમાં રહેતા લોકો પર થયેલા હુમલામાં એક પુરુષ અને આઠ વર્ષની બાળકીનાં મોત થયાં હતાં, જ્યારે બુરેજ શરણાર્થી શિબિર પર થયેલા હુમલામાં 18 મહિનાની બાળકીનું મૃત્યુ થયું હતું અને આઠ લોકો ઘાયલ થયા હતા.
તેવી જ રીતે, ગાઝા શહેર નજીક એક પેલેસ્ટિનિયન મોટરસાઇકલ સવારને અટકવામાં નિષ્ફળ જતાં ગોળી મારીને મારી નાખવામાં આવ્યો.
ગાઝા શહેરમાં આવેલા એક શરણાર્થી શિબિર પરના ઇઝરાયેલી હુમલામાં એક વ્યક્તિનું મોત થયું હતું અને અન્ય 10 લોકો ઘાયલ થયા હતા. ઇઝરાયેલી સેનાએ જણાવ્યું હતું કે હમાસના લક્ષ્યો પર હુમલા કરવામાં આવી રહ્યા હતા તે દરમિયાન આ જાનહાનિ થઈ હતી.
ઓક્ટોબર 2025માં અમેરિકાની મધ્યસ્થીથી હમાસ અને ઇઝરાયેલ વચ્ચે થયેલા યુદ્ધવિરામ બાદ, ગાઝા પરના ઇઝરાયેલી હુમલાઓમાં 1200થી વધુ લોકો માર્યા ગયા છે.
મૃત્યુ પામેલા મોટાભાગના લોકો નાગરિકો છે. દરમિયાન, કૈરોમાં ચાલી રહેલી વાતચીત ગાઝામાં હમાસ દ્વારા તમામ ભારે અને હળવા શસ્ત્રો સોંપી દેવા પર કેન્દ્રિત છે. મધ્યસ્થીઓએ અત્યાર સુધી થયેલી ચર્ચાઓને સકારાત્મક ગણાવી છે.
વધુ વાંચો: હજારો પ્રવાસીઓ મોરોક્કોથી સ્પેનના સ્યુટામાં પ્રવેશ્યા, સરહદ પાર કરતી વખતે નવ લોકોનાં મોત