નવી દિલ્હી, 23 એપ્રિલ 2026: ઇજિપ્તની રાજધાની કૈરોમાં રમાઈ રહેલા ISSF જુનિયર વર્લ્ડ કપમાં ભારતીય યુવા નિશાનેબાજોએ પોતાની શાનદાર લય જાળવી રાખી છે. સ્પર્ધાના બીજા દિવસે ભારતીય ટીમે શાનદાર રમતનું પ્રદર્શન કરતા વધુ ચાર મેડલ પોતાના નામે કર્યા છે. આ સાથે જ ભારત હવે મેડલ ટેલીમાં ત્રીજા સ્થાને પહોંચી ગયું છે. બુધવારે કૈરોની ઓલિમ્પિક ઇન્ટરનેશનલ સિટી શૂટિંગ રેન્જ ખાતે ભારતીય ખેલાડીઓએ વિશ્વ સ્તરના પ્રતિસ્પર્ધીઓ સામે જોરદાર ટક્કર આપી હતી. બીજા દિવસના અંતે ભારતના ફાળે સિલ્વર મેડલ: 03, બ્રોન્ઝ મેડલ: 01, મેડલ આવ્યા.
ભારતીય શૂટર્સે માત્ર કોઈ એક ક્ષેત્રમાં નહીં, પરંતુ રાઈફલ, પિસ્તોલ અને શૉટગન એમ ત્રણેય મુખ્ય ઇવેન્ટ્સમાં સચોટ નિશાન સાધ્યા હતા. ભારતીય જુનિયર ખેલાડીઓના આ પ્રદર્શનની ખાસ વાત એ રહી કે તેમણે વિશ્વના દિગ્ગજ શૂટર્સને હંફાવીને પોડિયમ પર સ્થાન મેળવ્યું છે. સ્પર્ધાના શરૂઆતના બે દિવસમાં જ ભારતે મજબૂત પકડ બનાવી લીધી છે. ચાર નવા મેડલ ઉમેરાતા ભારત અત્યારે કુલ મેડલની યાદીમાં ત્રીજા ક્રમે બિરાજમાન છે. ખેલ જગતના નિષ્ણાતો માની રહ્યા છે કે આગામી દિવસોમાં ભારતીય શૂટર્સ હજુ વધુ ગોલ્ડ મેડલ જીતીને ટેલીમાં ઉપર જઈ શકે છે.
વધુ વાંચો: ઉત્તર અને મધ્ય ભારતમાં હિટવેવ, રાત્રિના તાપમાનમાં વધારો