પીએમ મોદીએ પાઠવી રથયાત્રાની શુભેચ્છા,ટ્વિટ કરીને કહી આ વાત

દિલ્હી : આજે ઓડીસાના પુરીમાં જગન્નાથજીની રથયાત્રા નીકળશે ત્યારે વડાપ્રધાન નરેન્દ્ર મોદીએ તમામ દેશવાસીઓને રથયાત્રાની શુભકામનાઓ આપી છે. તેમણે ટ્વીટ કરીને કહ્યું કે, રથયાત્રા પર સૌને અભિનંદન. જ્યારે આપણે આ પવિત્ર અવસરની ઉજવણી કરીએ છીએ, ત્યારે ભગવાન જગન્નાથની દિવ્ય મુલાકાત આપણા જીવનને આરોગ્ય, સુખ અને આધ્યાત્મિક સમૃદ્ધિથી ભરી દે.

વડાપ્રધાન મોદી ઉપરાંત રાષ્ટ્રપતિ દ્રૌપદી મુર્મુએ પણ દિલ્હીના હૌજ ખાસ સ્થિત જગન્નાથ મંદિરમાં પૂજા અર્ચના કરી હતી.

આ પહેલા કેન્દ્રીય ગૃહમંત્રી અમિત શાહે અમદાવાદમાં ભગવાન જગન્નાથ મંદિરમાં મંગળા આરતી કરી હતી. તેમણે સવારે 4 વાગ્યે જમાલપુર વિસ્તારમાં રથયાત્રા પહેલા જગન્નાથ મંદિરમાં ‘મંગળા આરતી’માં ભાગ લીધો હતો. આ ઉપરાંત શાહે મંદિરમાં પૂજા પણ કરી હતી.

આસ્થાના ધોરણ ‘જગન્નાથ રથયાત્રા 2023’ મંગળવારથી શરૂ થવા જઈ રહી છે. આ યાત્રા દર વર્ષે અષાઢ માસની શુક્લ પક્ષની બીજી તિથિએ કાઢવામાં આવે છે. આ યાત્રા દરમિયાન ભગવાન જગન્નાથ તેમના મોટા ભાઈ બલરામ અને બહેન સુભદ્રા સાથે રથયાત્રા દ્વારા તેમના મામાના ઘરે એટલે કે પુરીના ગુંડીચા મંદિરે જાય છે.