રાષ્ટ્રીય બાળ પુરસ્કાર વિજેતાઓ સાથે મંગળવારે પીએમ મોદી કરશે સંવાદ

નવી દિલ્હીઃ વડાપ્રધાન નરેન્દ્ર મોદી 24મી જાન્યુઆરીના રોજ મંગળવારે સાંજે 4 વાગ્યે તેમના નિવાસસ્થાન, 7 LKM ખાતે રાષ્ટ્રીય બાલ પુરસ્કાર (PMRBP) વિજેતાઓ સાથે વાર્તાલાપ કરશે.

ભારત સરકાર બાળકોને ઈનોવેશન, સોશિયલ સર્વિસ, સ્કોલેસ્ટિક, સ્પોર્ટ્સ, આર્ટ એન્ડ કલ્ચર અને બહાદુરી એમ છ કેટેગરીમાં તેમની અસાધારણ સિદ્ધિ બદલ પ્રધાનમંત્રી રાષ્ટ્રીય બાલ પુરસ્કાર એનાયત કરી રહી છે. દરેક પુરસ્કાર મેળવનારને મેડલ, 1 લાખ રૂપિયાનું રોકડ પુરસ્કાર અને પ્રમાણપત્ર આપવામાં આવે છે.

આ વર્ષે, બાલ શક્તિ પુરસ્કારની વિવિધ શ્રેણીઓ હેઠળ દેશભરમાંથી 11 બાળકોને PMRBP-2023 માટે પસંદ કરવામાં આવ્યા છે. પુરસ્કાર મેળવનારાઓમાં 11 રાજ્યો અને કેન્દ્રશાસિત પ્રદેશોના 6 છોકરાઓ અને 5 છોકરીઓનો સમાવેશ થાય છે.