- 75 માં સ્વતંત્રતા દિવસની ઉજવણી
- રાષ્ટ્રપતિ બાઇડનએ આપી શુભેચ્છા
- ભારતને પાઠવી શુભકામના
દિલ્હી : આજે ભારત 75 માં સ્વતંત્રતા દિવસની વર્ષગાંઠ ખૂબ ધામધૂમથી ઉજવી રહ્યું છે.આ દરમિયાન અમેરિકાના રાષ્ટ્રપતિ જો બાઇડને નિવેદન જારી કરી ભારતને 15 ઓગસ્ટની શુભકામના પાઠવી છે. તેમણે કહ્યું કે, ભારતે મહાત્મા ગાંધીના સત્ય અને અહિંસાના માર્ગને અનુસરીને આઝાદી તરફની લાંબી સફર હાંસલ કરી.
બાઇડને આગળ કહ્યું કે, આજે લોકતંત્રના માધ્યમથી લોકોની ઇચ્છાને માન આપવાની મૂળભૂત પ્રતિબદ્ધતા વિશ્વને પ્રેરણા આપે છે અને તે આપણા બે દેશો વચ્ચેના ખાસ બંધનનો આધાર છે. તેમણે એમ પણ કહ્યું કે, દાયકાઓથી 40 લાખથી વધુ ભારતીય-અમેરિકનોના વાઇબ્રન્ટ સમુદાય સહિતના અમારા લોકો-વચ્ચેના સંબંધોએ અમારી ભાગીદારીને ટકાવી અને મજબૂત બનાવી છે.
જો બાઇડને કહ્યું કે, ભારત અને અમેરિકા વચ્ચેની ભાગીદારી પહેલા કરતા વધારે મહત્વની છે. સાથે મળીને, આપણે વિશ્વને બતાવવું જોઈએ કે, આપણી બે મહાન અને વૈવિધ્યસભર લોકશાહીઓ દરેક જગ્યાએ લોકો માટે કામ કરી શકે છે.
તેમણે કહ્યું કે, ભારત અને અમેરિકા વચ્ચેની મિત્રતા આગળ વધતી રહેશે. હું તે દરેક લોકોને શુભકામના આપું છું, જે ભારતમાં, યુનાઇટેડ સ્ટેટ્સમાં અને વિશ્વભરમાં ઉજવણી કરી રહ્યું છે. એક સુરક્ષિત અને ખુશખુશાલ ભારતીય સ્વતંત્રતા દિવસની શુભેચ્છા.