દિલ્હી :વડા પ્રધાન નરેન્દ્ર મોદીએ કેન્દ્રીય ગૃહ પ્રધાન અમિત શાહને ફ્રાન્સથી ફોન કર્યો અને દિલ્હીના કેટલાક ભાગોમાં પૂર જેવી સ્થિતિ વિશે પૂછપરછ કરી. તેમણે કહ્યું કે ટેલિફોનિક વાતચીત દરમિયાન શાહે મોદીને પરિસ્થિતિ વિશે જાણકારી આપી અને આગામી 24 કલાકમાં યમુનામાં પાણીનું સ્તર ઘટવાની અપેક્ષા છે.
ગૃહ પ્રધાન કાર્યાલયે ગુરુવારે રાત્રે એક ટ્વિટમાં જણાવ્યું હતું કે, “PM @narendramodi જીએ યમુના નદીના પાણીના સ્તરમાં વધારો થવાને કારણે દિલ્હીના કેટલાક ભાગોમાં પૂર જેવી સ્થિતિ પર કેન્દ્રીય ગૃહ પ્રધાન અમિત શાહ સાથે વાત કરી.” શાહે તેમને માહિતી આપી હતી કે આગામી 24 કલાકમાં પાણીનું સ્તર ઘટવાની સંભાવના છે અને તેઓ દિલ્હીના લેફ્ટનન્ટ ગવર્નર સાથે પરિસ્થિતિ પર નજીકથી નજર રાખી રહ્યા છે.પૂરતી સંખ્યામાં NDRF (નેશનલ ડિઝાસ્ટર રિસ્પોન્સ ફોર્સ) ટીમો તૈનાત કરવામાં આવી છે. બચાવ અને રાહત કામગીરી હાથ ધરવા અને જરૂરતમંદોને મદદ કરવા માટે તૈનાત છે.”
યમુના નદીના પાણીના કારણે ગુરુવારે દિલ્હીના ઘણા જળમગ્ન થઇ ગયા, જેના કારણે સામાન્ય જનજીવન ખોરવાઈ ગયું અને સત્તાવાળાઓને 16 જુલાઈ સુધી તમામ શાળાઓ અને કોલેજો બંધ રાખવા અને બિન-આવશ્યક સેવાઓમાં રોકાયેલા ભારે માલસામાનના વાહનોના પ્રવેશ પર પ્રતિબંધ મૂકવાની ફરજ પડી. વડાપ્રધાન બેસ્ટિલ ડેની ઉજવણીમાં ભાગ લેવા માટે બે દિવસની ફ્રાન્સની મુલાકાતે છે.