- પીએમ મોદી 2 વર્ષમાં પ્રથમ વખતે જેશ વિદેશ
- ક્વાડ શિખર સમ્મેલનમાં પીએમ મોદી લેશે ભાગ
- આ બેઠકમાં કોરોનાથી લઈને દરિયાઈ સુરક્ષા ચર્ચાના સ્થાને હશે
- 24 તારીખે યોજાશે આ શિખર સમ્મેલન
દિલ્હીઃ-દેશના પ્રધાનમંત્રી નરેન્દ્ર મોદીછેલ્લા બે વર્ષથી કોરોનાની સ્થિતિને લઈને જરેક બેઠકમાં ડિજિટલ માધ્યમથી જોડાતા હતા ત્યારે હવે 2 વર્ષ બાદ પ્રથમ વખત પીએમ મોદી વિદેશની યાત્રા માટે જશે. પીએમ મોદી પહેલા અમેરિકામાં ક્વાડ કન્ટ્રીઝ સમિટમાં ભાગ લેશે અને પછી સંયુક્ત રાષ્ટ્ર મહાસભા માં 100 થી વધુ દેશોના પ્રતિનિધિઓને સંબોધશે.
આ સમગ્ર બેઠક દરમિયાન તેમનો ઉદ્દેશ વૈશ્વિક લોકોનું ધ્યાન ચીનની વધતી જતી અડગતા અને બીજી તરફ અફઘાનિસ્તાનમાં બળવા પછી આતંકવાદ ફેલાવવાનો વધતો ભય તરફ ધ્યાન દોરવાનો રહેશે.
ભારત, ઓસ્ટ્રેલિયા, જાપાન અને અમેરિકાની ક્વાડ ગ્રુપ સમિટ 24 સપ્ટેમ્બરે યોજાનાર છે. વ્હાઈટ હાઉસના પ્રેસ સેક્રેટરી જેન સાસાકીએ જણાવ્યું હતું કે ભારતીય વડાપ્રધાન નરેન્દ્ર મોદી, ઓસ્ટ્રેલિયાના વડાપ્રધાન સ્કોટ મોરિસન અને જાપાનના પીએમ યોશીહિદે સુગા અમેરિકાના રાષ્ટ્રપતિ જો બિડેન દ્વારા આયોજિત કોન્ફરન્સમાં ભાગ લેવા વોશિંગ્ટન પહોંચશે.
ભારતીય વિદેશ મંત્રાલયે એમ પણ કહ્યું કે, વડાપ્રધાન નરેન્દ્ર મોદી પોતે વ્હાઈટ હાઉસમાં આ પરિષદમાં ભાગ લેવા જશે. વિદેશ મંત્રાલયે કહ્યું કે સમિટ સમકાલીન વૈશ્વિક પડકારો પર ચર્ચા કરે તેવી સંભાવના છે, જેમાં ભારત-પ્રશાંત ક્ષેત્ર મુક્ત અને ખુલ્લો અને સમાવેશી છે તેની ખાતરી કરવાના માર્ગોનો સમાવેશ થાય છે. આ દરમિયાન અફઘાનિસ્તાનની હાલની જે સ્થિતિ છે તે અને ત્યા ચીનની વધતી દિલચસ્પી પર પણ ચર્ચા થવાની સંભાવના છે, આ નેતાઓ 12 માર્ચે ઓનલાઈન સમિટ બાદ સામાન્ય હિતોની દિશામાં થયેલી પ્રગતિની પણ સમીક્ષા કરશે.
મળતી માહિતી પ્રમાણે આ ક્વાડ કોન્ફરન્સ કોવિડ -19 વૈશ્વિક મહામારી અને માર્ચમાં જાહેર કરાયેલી ક્વાડ રસીકરણ પહેલનો સામનો કરવાના પ્રયાસોની પણ સમીક્ષા કરશે. બેઠકમાં, યજમાન યુ.એસ. ઇન્ડો-પેસિફિક અને ક્વાડ ગ્રુપમાં સહકાર માટે તેની મજબૂત પ્રતિબદ્ધતાનો સંકેત આપવા માંગે છે. મંત્રાલયે કહ્યું કે સમકાલીન વૈશ્વિક મુદ્દાઓ જેવા કે ઉભરતી ટેકનોલોજી, કનેક્ટિવિટી અને ઇન્ફ્રાસ્ટ્રક્ચર, સાયબર સુરક્ષા, દરિયાઇ સુરક્ષા, માનવતાવાદી સહાય, આપત્તિ રાહત, આબોહવા પરિવર્તન અને શિક્ષણ જેવા વિચારોનું આદાનપ્રદાન પણ થશે.
વિદેશ મંત્રાલયે એમ પણ માહિતી આપી હતી કે વડાપ્રધાન મોદી 25 સપ્ટેમ્બરે ન્યૂયોર્કમાં યુએનજીએના 76 માં સત્રમાં પણ હાજરી આપશે, જ્યાં તેઓ સત્રના ઉચ્ચ સ્તરીય ભાગને સંબોધિત કરશે.યુએનજીએ ની વાર્ષિક બેઠકમાં 100 થી વધુ દેશોના અગ્રણી નેતાઓ અને સરકારો આ બેઠકમાં રૂબરૂ હાજર રહેશે.