નવી દિલ્હી, 05 ઓગસ્ટ 2026: મેડિકલ કાઉન્સેલિંગ કમિટી (MCC) આજે NEET UG કાઉન્સેલિંગના પ્રથમ રાઉન્ડ માટે રજીસ્ટ્રેશન શરૂ કરશે. સત્તાવાર સમયપત્રક મુજબ, પ્રથમ રાઉન્ડ માટેનું રજીસ્ટ્રેશન આજથી શરૂ થઈને 12 ઓગસ્ટના રોજ બપોરે 3 વાગ્યા સુધી ચાલશે. જોકે, ફીની ચુકવણી 12 ઓગસ્ટના રોજ સાંજે 6 વાગ્યા સુધી કરી શકાશે.
નોંધણી પ્રક્રિયા શરૂ થતા પહેલા, ગઈકાલે સંસ્થાઓએ કામચલાઉ સીટ મેટ્રિક્સની ચકાસણી કરી હતી. ઉમેદવારો ગઈકાલથી લઈને 13 ઓગસ્ટ સુધી પોતાની પસંદગીઓ સબમિટ કરી શકે છે. પસંદગીઓ સબમિટ કરવાની સુવિધા 13 ઓગસ્ટના રોજ સવારે 11.00 વાગ્યે બંધ થશે. સીટ ફાળવણી પ્રક્રિયાનો પ્રથમ રાઉન્ડ 13 ઓગસ્ટથી 16 ઓગસ્ટ દરમિયાન યોજાશે અને તેના પરિણામો 17 ઓગસ્ટે જાહેર કરવામાં આવશે. જે ઉમેદવારોને સીટ ફાળવવામાં આવી હોય તેમણે 18 ઓગસ્ટથી 22 ઓગસ્ટ વચ્ચે સંબંધિત સંસ્થાઓમાં રિપોર્ટિંગ કરવાનું રહેશે. સંસ્થાઓ 23 ઓગસ્ટે ઉમેદવારોના ડેટાની ચકાસણી કરશે.
કાઉન્સેલિંગ પ્રક્રિયા શરૂ થાય તે પહેલાં, આરોગ્ય મંત્રાલયે ઉમેદવારોને MCC પોર્ટલ પર નોંધણી, પસંદગી ભરવાની પ્રક્રિયા (choice-filling) અને સીટ ફાળવણીની પ્રક્રિયા સમજવામાં મદદ કરવા માટે તબક્કાવાર ટ્યુટોરીયલ વીડિયો બહાર પાડ્યા છે. આ વીડિયોનો ઉદ્દેશ્ય કાઉન્સેલિંગ પ્રક્રિયાને સરળ અને વિદ્યાર્થી-અનુકૂળ રીતે સમજાવીને ઉમેદવારોનું માર્ગદર્શન કરવાનો છે. આમાં નોંધણી, ફીની ચુકવણી અને પસંદગી ભરવાની વિગતવાર પ્રક્રિયાઓનો સમાવેશ થાય છે. આનાથી ઉમેદવારોને તેમની અરજીઓ સરળતાથી ભરવામાં અને કાઉન્સેલિંગ પ્રક્રિયા દરમિયાન યોગ્ય નિર્ણયો લેવામાં મદદ મળે છે.
સ્વાસ્થ્ય મંત્રાલયના જણાવ્યા અનુસાર, આ ટ્યુટોરીયલ વિડિયો MCC પોર્ટલ પર નોંધણી અને પસંદગી ભરવાની (choice-filling) પ્રક્રિયાને વિગતવાર સમજાવે છે. આનાથી ઉમેદવારોને કાઉન્સેલિંગ પ્રક્રિયાના દરેક તબક્કાને સમજવામાં, યોગ્ય નિર્ણયો લેવામાં અને તેમની અરજીઓ સરળતાથી પૂર્ણ કરવામાં મદદ મળે છે.
કાઉન્સેલિંગ પ્રક્રિયા દરમિયાન સહાય મેળવવા માટે, ઉમેદવારો ટોલ-ફ્રી નંબર 1800-102-7637 પર MCC હેલ્પલાઇનનો સંપર્ક કરી શકે છે અથવા mcc2026@gov.in પર તેમના પ્રશ્નો ઈમેલ કરી શકે છે.
વધુ વાંચો: આસારામ ફરી જેલમાંથી બહાર આવશે: રાજસ્થાન હાઈકોર્ટે 20 દિવસના પેરોલની અરજી મંજૂર કરી