‘તારક મહેતા…’ના ‘ટપ્પુ’નું ચમક્યું નસીબ,બોલિવૂડના આ મોટા સ્ટાર સાથે કરશે કામ  

• ‘તારક મહેતા…’ના ‘ટપ્પુ’નું ચમક્યું નસીબ
• બોલિવૂડના આ મોટા સ્ટાર સાથે કરશે કામ  
• ફેંસ સાથે શેર કર્યું ગૂડ ન્યુઝ

મુંબઈ:તારક મહેતા કા ઉલ્ટા ચશ્મા એક ટેલિવિઝન શો છે જેના વિશે હંમેશા કોઈને કોઈ સમાચાર આવતા રહે છે. કોમેડી શોના દરેક પાત્રો ખૂબ જ લોકપ્રિય છે. આ પાત્રોમાંથી એક આપણા ‘ટપ્પુ’ જી પણ છે. તારક મહેતા કા ઉલ્ટા ચશ્મામાં રાજ અનડકટ ટપ્પુની ભૂમિકા ભજવી રહ્યો છે. શોનો ટપ્પુ આ દિવસોમાં ખૂબ જ ખુશ છે અને તમારી સાથે તેની ખુશી શેર કરવા આવ્યો છે.

રાજ અનડકટના ચાહકોને એ જાણીને આનંદ થશે કે તે આવનારા દિવસોમાં કંઈક નવું અને મોટું કરવા જઈ રહ્યો છે. તે પણ તેના પ્રિય અભિનેતા રણવીર સિંહ સાથે. આ જાણ્યા બાદ ઉત્તેજના વધી ગઈ ને.ટપ્પુ પણ તેના આગામી પ્રોજેક્ટ માટે ખૂબ જ ખુશ દેખાઈ રહ્યો છે. આટલું જ નહીં તેણે રણવીર સિંહ સાથેનો એક ફોટો પણ સોશિયલ મીડિયા પર શેર કર્યો છે.

રણવીર સિંહ સાથે હસતો-હસતો ફોટો શેર કરતા રાજે લખ્યું છે કે, હું જીવનના કોઈ ખાસ પ્રોજેક્ટ વિશે જણાવવા માટે મારી ઉત્તેજના પર કાબૂ રાખી શકતો નથી. કારણ કે તે તેનો ફેવરિટ એક્ટર રણવીર સિંહ છે. હું તેને ખૂબ પ્રેમ કરું છું અને તેની સાથે ફરીથી કામ કરવું ખૂબ જ અલગ હતું.રાજ પોતાના ફેવરિટ સ્ટાર સાથે કામ કરીને એટલો ખુશ છે કે તે પોતાની લાગણીને શબ્દોમાં વ્યક્ત કરી શકતો નથી.