સરકારે આપી મોટી રાહત,હવે આ તારીખ સુધી આધાર કાર્ડ ફ્રીમાં અપડેટ કરી શકશો

દિલ્હી: જો તમારું આધાર કાર્ડ 10 વર્ષ જૂનું છે અથવા તમે છેલ્લા 10 વર્ષમાં એકવાર પણ આધાર અપડેટ નથી કરાવ્યું તો તમારા માટે મોટા સમાચાર છે. આજે એટલે કે 14મી ડિસેમ્બર મફતમાં આધાર અપડેટ કરવાની છેલ્લી તક હતી પરંતુ સરકારે તેને ત્રણ મહિના વધારી દીધી છે.

UIDAIએ તેના એક નોટિફિકેશનમાં કહ્યું છે કે છેલ્લા કેટલાક મહિનામાં આધાર અપડેટમાં નોંધપાત્ર વધારો થયો છે, જેને ધ્યાનમાં રાખીને અમે ફ્રી આધાર અપડેટની તારીખ પણ લંબાવી છે. હવે આધારને આગામી ત્રણ મહિના એટલે કે 14.03.2024 સુધી મફતમાં અપડેટ કરી શકાશે. હવે આધાર કાર્ડ અપડેટ કરવાની છેલ્લી તારીખ 14 માર્ચ 2024 નક્કી કરવામાં આવી છે. તો ચાલો જાણીએ પદ્ધતિ.

આધાર અપડેટ માટે, તમારે બે મહત્વપૂર્ણ દસ્તાવેજોની જરૂર પડશે. પહેલું ઓળખપત્ર અને બીજું એડ્રેસ પ્રૂફ. સામાન્ય રીતે, આધાર અપડેટ માટે આધાર કેન્દ્ર પર 50 રૂપિયાની ફી લેવામાં આવે છે, પરંતુ UIDAI અનુસાર, આ સેવા 14 ડિસેમ્બર સુધી મફત છે. તમે ઓળખ પત્ર તરીકે મતદાર કાર્ડ આપી શકો છો.

મોબાઈલ કે લેપટોપથી UIDAIની વેબસાઈટ પર જાઓ. આ પછી અપડેટ આધારના વિકલ્પ પર ક્લિક કરો. હવે આધાર નંબર દાખલ કરીને OTP દ્વારા લોગિન કરો.

આ પછી ડોક્યુમેન્ટ અપડેટ પર ક્લિક કરો અને વેરિફાઈ કરો. હવે નીચે આપેલ ડ્રોપ લિસ્ટમાંથી ઓળખ કાર્ડ અને સરનામાના પુરાવાની સ્કેન કરેલી નકલ અપલોડ કરો