ભારત મંડપમ ખાતે પહોંચ્યા દેશના નેતા,પીએમ મોદીએ કર્યું તમામ નેતાઓનું સ્વાગત

દિલ્હી:G20 કોન્ફરન્સ આજથી શરૂ થઈ રહી છે. સંમેલનમાં ભાગ લેવા માટે ઘણા ટોચના નેતાઓ ભારત પહોંચી ગયા છે. શેડ્યૂલ મુજબ, સવારે 9.30 વાગ્યાથી વિશ્વભરના નેતાઓ સભા સ્થળ ભારત મંડપ પર પહોંચ્યા. તમામ નેતાઓનું પીએમ મોદી દ્વારા સ્વાગત કરવામાં આવ્યું. આ પછી, કોન્ફરન્સનું પ્રથમ સત્ર સવારે 10.30 થી 1.30 વાગ્યા સુધી યોજાશે, જેને ‘વન અર્થ’ નામ આપવામાં આવ્યું છે. આ પછી ભોજનનો કાર્યક્રમ યોજાશે.

બ્રિટનના વડાપ્રધાન ઋષિ સુનક, રશિયાના વિદેશ મંત્રી સર્ગેઈ લવરોવ, ઈન્ડોનેશિયાના રાષ્ટ્રપતિ જોકો વિડોડો, બ્રાઝિલના રાષ્ટ્રપતિ લુઈઝ ઈનાસિયો લુલા ડા સિલ્વા, ચીનના વડાપ્રધાન લી કિઆંગ ભારત મંડપમ પહોંચ્યા છે. અહીં તેમનું પીએમ મોદીએ સ્વાગત કર્યું હતું.

જર્મન ચાન્સેલર ઓલાફ શૉલ્ઝ, ઇટાલીના વડા પ્રધાન જ્યોર્જિયા મેલોની, જાપાનના વડા પ્રધાન ફ્યુમિયો કિશિદા, દક્ષિણ કોરિયાના રાષ્ટ્રપતિ યુન સુક-યોલ, દક્ષિણ આફ્રિકાના રાષ્ટ્રપતિ સિરિલ રામાફોસા, તુર્કીના રાષ્ટ્રપતિ રેસેપ તૈયપ એર્દોઆન પણ ભારત મંડપમ પહોંચ્યા છે.

ભારત મંડપમ ખાતે નાઈજીરીયાના પીએમ બોલા અહેમદ ટીનુબુ, સિંગાપોરના વડાપ્રધાન લી સિએન લૂંગ, સ્પેનના ઉપરાષ્ટ્રપતિ નાદિયા કેલ્વિનો સાન્તામારિયા, યુએઈના પ્રમુખ મોહમ્મદ બિન ઝાયેદ અલ નાહયાન, મેક્સીકન યુનાઈટેડ ઈકોનોમી મિનિસ્ટર રાક્વેલ બ્યુનોસ્ટ્રો સાંચેઝ, આર્જેન્ટિનાના રાષ્ટ્રપતિ અલ્બર્ટો ફર્નાન્ડીઝ, ઓસ્ટ્રેલિયન પીએમ એન્થની અલ્બનીઝ, કેનેડાના વડાપ્રધાન જસ્ટિન ટ્રુડો, યુરોપિયન કમિશનના પ્રમુખ ઉર્સુલા વોન ડેર લેયેન પહોંચી ગયા છે. અહીં વડાપ્રધાન મોદીએ સૌનું સ્વાગત કર્યું હતું.

વડા પ્રધાન નરેન્દ્ર મોદીએ બાંગ્લાદેશના વડા પ્રધાન શેખ હસીના, મોરેશિયસના વડા પ્રધાન પ્રવિંદ જગનાથ, ઇજિપ્તના રાષ્ટ્રપતિ અબ્દેલ ફત્તાહ અલ-સીસી, નેધરલેન્ડના વડા પ્રધાન માર્ક રૂટ્ટે, સંયુક્ત રાષ્ટ્રના મહાસચિવ એન્ટોનિયો ગુટેરેસ, વિશ્વ બેન્કના પ્રમુખ અજય બંગા,  વર્લ્ડ હેલ્થ ઓર્ગેનાઈઝેશનના મહાનિદેશક ટેડ્રોસ અધાનમ ઘેબ્રેયસસ,OECD (ઓર્ગેનાઈઝેશન ફોર ઈકોનોમિક કો-ઓપરેશન એન્ડ ડેવલપમેન્ટ)ના સેક્રેટરી-જનરલ મેથિયાસ કોર્મન, IWELA-WTOના ડાયરેક્ટર જનરલ કે Ngozi Okonjo, કોમોરોસના પ્રમુખ, આફ્રિકન યુનિયનના ચેરપર્સન અઝાલી અસોમાની, ઓમાનના VC અસદ બિન તારિક બિન તૈમુર અલ સઈદનું ઉષ્માભર્યું સ્વાગત કર્યું.