નવી દિલ્હીઃ સ્ટોપ ટીબી પોર્ટનરશિપની 36મી બોર્ડની મીટીંગ યોજાઈ હતી. જેમાં કેન્દ્રીય આરોગ્ય મંત્રી ડો. મનસુખ માંડવિયા તથા આરોગ્ય અને પરિવાર કલ્યાણ રાજ્ય મંત્રી ડો. ભારતી પ્રવિણ પવાર સહિતના મહાનુભાવો ઉપસ્થિત રહ્યાં હતા. દરમિયાન આરોગ્ય મંત્રી ડો. માંડવિયાએ જણાવ્યું હતું કે, પીએમ મોદી ભારતમાં ટીબીનો અંત લાવવાની અતૂટ પ્રતિબદ્ધતા જોઈ છે. અમે ટીબી સામેની સહયોગી લડાઈમાં આગળથી નેતૃત્વ કરવા અને ગ્લોબલ સાઉથનો અવાજ બનવા તૈયાર છીએ.”
ડૉ. માંડવિયાએ જણાવ્યું હતું કે “ભારતે G20 પ્રેસિડેન્સી હેઠળ 3 મહત્વપૂર્ણ આરોગ્ય પ્રાથમિકતાઓને ઓળખી છે. આ તમામ સાર્વત્રિક આરોગ્ય કવરેજ પર કેન્દ્રીત છે અને ટીબી નાબૂદી માટેના અમારા પ્રતિભાવ સાથે સંબંધિત છે.” તેમણે ઉમેર્યું હતું કે “કેસ શોધવા, ગાણિતિક મોડેલિંગ, ડિજિટલ હસ્તક્ષેપ અને દેખરેખમાં નવીનતા દ્વારા ગ્રાઉન્ડ લેવલ પર ઘણું અસાધારણ કાર્ય કરવામાં આવી રહ્યું છે”. “ભારતને આવી સારી પ્રથાઓનું અનુકરણ કરવા માટે અન્ય દેશો સાથે તકનીકી સહાય શેર કરવામાં ખુશી થશે”, એમ તેમણે કહ્યું હતું.
રોગ સામેની વૈશ્વિક લડાઈમાં ટીબી રસીના નિર્ણાયક મહત્વ પર પ્રકાશ પાડતા, કેન્દ્રીય આરોગ્ય મંત્રીએ સ્ટોપ ટીબી ભાગીદારી બોર્ડને આ અંગે વિચારણા કરવા અને આ વર્ષે સપ્ટેમ્બરમાં યુનિવર્સલ હેલ્થ કવરેજ પર યુએનની ઉચ્ચ સ્તરીય બેઠકમાં આ બાબતને ઉઠાવવા વિનંતી કરી હતી. “ટીબીની રસીની તાકીદે જરૂર છે”,એમ તેમણે ભારપૂર્વક જણાવ્યું હતું. ડૉ. માંડવિયાએ ધ્યાન દોર્યું હતું કે, તેના વિકાસને ઝડપી ટ્રેક કરવા, ઉત્પાદન ક્ષમતાને વિસ્તૃત કરવી અને દેશોને તેની સરળ પહોંચમાં મદદ કરવી પણ મહત્વપૂર્ણ છે.
ડૉ લુસિકા ડિટીયુએ ભારપૂર્વક જણાવ્યું હતું કે “ભારત ટીબીને દૂર કરવામાં મહત્ત્વની ભૂમિકા ભજવે છે કારણ કે ભારતની પ્રગતિ વિશ્વને આગળ ધપાવશે.” તેણીએ “તેમના ની-ક્ષય ડેટા સાથે ખૂબ જ અત્યાધુનિક મોડેલિંગ કરવા માટે” ભારતની પ્રશંસા પણ કરી. “તેમની નવીનતાઓ, વિચારો અને આરોગ્યસંભાળને લોકોની નજીક લાવવા માટેની વ્યૂહરચનાઓ એવી છે જેનું સમગ્ર વિશ્વ અનુકરણ કરી શકે છે”,એમ તેણીએ જણાવ્યું હતું.