- કેસરનું દૂધ પીવાના ફાયદા
- આટલી રીતે કરે છે શરીરને ફાયદો
- મહિલાઓ માટે ખાસ
દરેક સ્ત્રી પોતાની સુંદરતા માટે તો અનેક પ્રકારના પ્રયાસો કરતી હોય છે. ક્યારેક ઘરેલું ઉપાય કરે છે તો ક્યારેક બ્યુટી પાર્લરમાં જઈને પોતાની કાળજી રાખતી હોય છે પણ આવામાં ક્યારેક સ્વાસ્થ્યની કાળજી રાખવાનું ભુલી જતી હોય છે. આ તમામ મહિલાઓ કે જે પોતાના સ્વાસ્થ્ય પર પુરતા પ્રમાણમાં ધ્યાન નથી આપતી તે મહિલાઓએ રોજ કેસરનું દૂધ પીવું જોઈએ જેથી કરીને શરીર અનેક રીતે સ્વસ્થ રહી શકે છે.
જાણકારી અનુસાર શરદી અને તાવ એ સૌથી સામાન્ય સ્વાસ્થ્ય સમસ્યાઓમાંની એક છે, જેમાં સમગ્ર વર્ષ દરમિયાન સ્ત્રીઓ પીડાય છે. આ વર્ષે વાયરલ ચેપ અને એલર્જી ખૂબ સામાન્ય છે. પરંતુ ચિંતા કરવાની જરૂર નથી, કારણ કે દરરોજ કેસરનું દૂધ પીવાથી સરળતાથી આ સમસ્યાથી બચી શકાય છે. એક અભ્યાસ મુજબ કેસરવાળું દૂધ પીવાથી શરદી અને તાવથી રાહત મળે છે. કેસર પ્રકૃતિમાં ગરમ છે અને તે ઠંડીથી ઝડપથી રાહત મેળવવામાં મદદ કરે છે.
આ ઉપરાંત કેસરની વાત કરવામાં આવે તો જો તમારું હૃદય સ્વસ્થ છે તો તમે પણ સ્વસ્થ છો. હૃદયને સ્વસ્થ રાખવા માટે તમારે યોગ્ય આહારની જરૂર છે અને તમારા હૃદય માટે કેસર ખૂબ જ સારું છે. કેસરમાં ક્રોસેટિન નામનું તત્વ હોય છે, જે લોહીમાં કોલેસ્ટ્રોલનું સ્તર ઘટાડવામાં મદદ કરે છે અને હૃદય સંબંધિત રોગોથી બચાવે છે. જો તમે પણ હૃદયને સ્વસ્થ બનાવવા માંગો છો તો દરરોજ 1 ગ્લાસ કેસર દૂધ પીવો. આ ઉપરાંત કેસર દૂધ શ્રેષ્ઠ મેમરી બૂસ્ટર છે. એક ગ્લાસ કેસરનું દૂધ પીવાથી યાદશક્તિ વધે છે. બાળકોની યાદશક્તિ સુધારવા માટે તમે તેમને દરરોજ 1 ગ્લાસ કેસર દૂધ આપી શકો છો.