દિલ્હી:વડા પ્રધાન નરેન્દ્ર મોદી અને યુએસ પ્રમુખ જો બાઈડેને શુક્રવારે મુક્ત, ખુલ્લા, સમાવિષ્ટ અને સ્થિતિસ્થાપક ઈન્ડો-પેસિફિકને સમર્થન આપવા માટે ક્વાડ જૂથના મહત્વ પર ભાર મૂક્યો હતો. વાસ્તવમાં, બાઈડેન જી-20 સમિટમાં ભાગ લેવા માટે ભારત આવ્યા છે. PM મોદી અને બાઈડેન G-20 સમિટ પહેલા મળ્યા હતા. ભારતમાં બાઈડેન સાથેની તેમની મુલાકાત સાથે પીએમ મોદીના નામે એક નવો રેકોર્ડ નોંધાયો છે.
વાસ્તવમાં, પીએમ મોદીના કાર્યકાળમાં ભારતની મુલાકાત લેનારા બાઈડેન ત્રીજા અમેરિકન રાષ્ટ્રપતિ છે. આ પહેલા અમેરિકાના પૂર્વ રાષ્ટ્રપતિ બરાક ઓબામા પીએમ નરેન્દ્ર મોદીના કાર્યકાળમાં 2015માં ભારતની મુલાકાતે આવ્યા હતા. 2020માં ડોનાલ્ડ ટ્રમ્પે પણ ભારતની મુલાકાત લીધી હતી. આ બંને અમેરિકન રાષ્ટ્રપતિઓનું ભારતમાં PM મોદીએ સ્વાગત કર્યું હતું. ડી. આઈઝનહાવર ભારતની મુલાકાત લેનારા પ્રથમ અમેરિકન રાષ્ટ્રપતિ હતા.
આઈઝનહાવર ડિસેમ્બર 1959માં ભારત આવ્યા હતા. તેમણે ભારતીય સંસદના વિશેષ સત્રને સંબોધિત કર્યું અને તાજમહેલ જોવા પણ ગયા. અને પછી જુલાઇ 1969માં તત્કાલીન યુએસ પ્રમુખ રિચાર્ડ નિક્સન, જાન્યુઆરી 1978માં જીમી કાર્ટર, માર્ચ 2000માં બિલ ક્લિન્ટન, માર્ચ 2006માં જ્યોર્જ ડબલ્યુ બુશ પ્રવાસ પર આવ્યા હતા.
ઉલ્લેખનીય છે કે,દિલ્હીમાં આયોજિત G20 સમિટ આજથી શરૂ થઈ ગઈ છે. જી-20 સમિટના ઉદ્ઘાટન ભાષણમાં પીએમ મોદીએ સૌથી પહેલા મોરોક્કોમાં આવેલા ભૂકંપ પર શોક વ્યક્ત કર્યો હતો. તેમણે તમામ મહેમાનોનું સ્વાગત કર્યું. તેમણે કહ્યું કે, અઢી હજાર વર્ષ પહેલા ભારતની ભૂમિએ સમગ્ર વિશ્વને આ સંદેશ આપ્યો હતો કે માનવતાનું કલ્યાણ અને સુખ હંમેશા સુનિશ્ચિત કરવું જોઈએ. આ સંદેશને યાદ કરીને G20 ની શરૂઆત કરો. આ તે સમય છે જ્યારે વર્ષો જૂના પડકારો આપણી પાસેથી નવા ઉકેલની માંગ કરી રહ્યા છે.