ભાજપના વરિષ્ઠ નેતા અને દેશના પ્રધાનમંત્રી નરેન્દ્ર મોદીએ ઓડિશાના પુરીમાં રોડ શો દરમિયાન જણાવ્યું હતું કે, ઇન્ડિ ગઠબંધનનો સંપૂર્ણપણે અસ્ત થઈ ગયો છે. સાથે જ બંધારણ અંગેના વિપક્ષના આરોપનો જવાબ આપતા જણાવ્યું હતું કે બંધારણ અમારા માટે બંધારણ શાસન ચલાવવા માટેનો ધર્મગ્રંથ છે, બાબા સાહેબના બંધારણે જ એક ચા વાળાને પ્રધાનમંત્રી બનાવ્યો છે. , પરંતુ કોંગ્રેસના મોંએ બંધારણ શબ્દ શોભતો નથી. સાથે જ તેમણે કહ્યું કે, ભારતની નારી શક્તિનું સામર્થ્ય ભારતની ગતિ માટે ખૂબ મહત્વનું છે…. આ સાથે જ તેમણે લિજ્જત મહિલા ગૃહ ઉદ્યોગ તેમજ અમૂલની ક્રાંતિનો ઉલ્લેખ કર્યો હતો. તો તેમણે એમ પણ કહ્યું કે હું આજીવન વિદ્યાર્થી છું.
ભારતીય જનતા પાર્ટીના ટોચના નેતા અને સ્ટાર પ્રચારક પ્રધાનમંત્રી નરેન્દ્ર મોદીએ ઓડિશાના ઢેંકનાલમાં એક જાહેર સભાને સંબોધિત કરી હતી. સભા સંબોધતા તેમણે કહ્યું કે, તમે અહીં ભાજપની સરકાર બનાવો, ભાજપ ઓડિશાના પુત્ર કે પુત્રીને અહીંના મુખ્યમંત્રી બનાવશે. પીએમ મોદીએ કહ્યું, “10 જૂને ઓડિશામાં ડબલ એન્જિન સરકારનો શપથ ગ્રહણ કાર્યક્રમ થશે. આ બીજેડી સરકારમાંથી બહાર નીકળવું નિશ્ચિત છે. 21મી સદીના ઓડિશાને વિકાસની ગતિની જરૂર છે. તે બીજેડી સરકાર કોઈપણ સંજોગોમાં આપી શકે નહીં. તમે આ સદીના સમગ્ર ભાગમાં બીજદને તક આપી છે. હવે સમય આવી ગયો છે કે, તમે બીજેડીની ઢીલી નીતિઓ, ઢીલા કામ અને ધીમી ગતિ છોડીને ભાજપની ઝડપી સરકાર પસંદ કરો.” નોંધનીય છે કે આ પહેલા સવારે પ્રધાનમંત્રી નરેન્દ્ર મોદીએ ઓડિશાના પુરીમાં રોડ શો કર્યો હતો, રોડ શોમાં ભારે ભીડ જોવા મળી હતી.