12 ઓગસ્ટ,દિલ્હી:કેન્દ્ર સરકારે કોરોના વાયરસ સામેની પોતાની લડાઈને આગળ વધારવા માટે જૈવિક E CORBEVAX વેક્સિનને 18 વર્ષથી વધુ ઉંમરના લોકો માટે બૂસ્ટર ડોઝ તરીકે મંજૂરી આપી છે જેમણે કોવિશિલ્ડ અથવા કોવેક્સીનના પ્રથમ બે ડોઝ લીધા છે.CORBEVAX વેક્સિન આજે એટલે કે, 12 ઓગસ્ટ 2022 થી જાહેર અને ખાનગી રસીકરણ કેન્દ્રો પર ઉપલબ્ધ થશે. તે CoWIN એપ્લિકેશન દ્વારા બુક કરી શકાય છે. ભારતની પ્રથમ સ્વદેશી RBD પ્રોટીન સબ્યુનિટ CORBEVAX વેક્સિન હાલમાં 12 થી 14 વર્ષની વય જૂથના બાળકોને આપવામાં આવી રહી છે.
પુખ્ત વયના લોકો માટે CORBEVAX વેક્સિન લગાવવાના નિર્ણયની જાહેરાત કરતા કેન્દ્રીય આરોગ્ય મંત્રી મનસુખ માંડવિયાએ જણાવ્યું હતું કે,કોવેક્સીન અથવા કોવિશિલ્ડ વેક્સિનના બીજા ડોઝ મળ્યાના છ મહિના કે 26 અઠવાડિયા થયા હોય તેમને આ વેક્સિન આપવામાં આવશે.દેશમાં આ પ્રથમ વખત બનવા જઈ રહ્યું છે કે,જ્યારે પ્રથમ અને બીજા ડોઝ તરીકે આપવામાં આવેલી વેક્સિન સિવાયની વેક્સિન સાવચેતીના ડોઝ તરીકે આપવામાં આવશે.
સરકારે 15 જુલાઈથી આગામી 75 દિવસ સુધી 18 થી 59 વર્ષની વયના લોકોને મફત બૂસ્ટર ડોઝ આપવાની જાહેરાત કરી હતી.જો કે, ખાનગી રસીકરણ કેન્દ્રો માટે CORBEVAX રસીની કિંમત 250 રૂપિયા હશે.રસી લેનાર વ્યક્તિએ તમામ ચાર્જ સહિત વધુમાં વધુ 400 રૂપિયા ચૂકવવા પડશે.
4 જૂનના રોજ હૈદરાબાદ સ્થિત ફાર્માસ્યુટિકલ અને વેક્સીન કંપની બાયોલોજિકલ ઇ. લિ.એ જાહેરાત કરી કે,તેની કોર્બેવેક્સ કોવિડ-19 રસીને 6 મહિના પછી ડ્રગ કંટ્રોલર જનરલ ઓફ ઈન્ડિયા (DCGI) દ્વારા મંજૂરી આપવામાં આવી છે.ગયા મહિને રસીકરણ પરના રાષ્ટ્રીય ટેકનિકલ સલાહકાર જૂથે 18 વર્ષથી વધુ વયના પુખ્ત વયના લોકો માટે જૈવિક EK કોર્બેવેક્સને હેટ્રોલોગસ બૂસ્ટર તરીકે ભલામણ કરી હતી.