આમ તો દરેક ફળ-શાકભાજી ખાવાથી શરીરને કઈને કઈ તો ફાયદો થતો જ હોય છે, પરંતુ દરેક પ્રકારની વસ્તુને કેટલા પ્રમાણમાં ખાવી તે જાણવું વધારે જરૂરી હોય છે, આવામાં જો વાત કરવામાં આવે ગાજરની તો, ગાજરનું સેવન કરવાથી રોગપ્રતિકારક શક્તિ મજબૂત થાય છે. કારણ કે ગાજરમાં એન્ટીઓક્સીડેન્ટની સાથે સાથે વિટામિન સી પણ હોય છે. એટલા માટે જો કોઈ વ્યક્તિ દરરોજ ગાજરનું સેવન કરે છે, તો તે રોગપ્રતિકારક શક્તિને મજબૂત બનાવે છે.
વિટામીન એ, વિટામીન કે, વિટામીન સી, પોટેશિયમ, ફાઈબર, કેલ્શિયમ જેવા તત્વો ગાજરમાં પુષ્કળ પ્રમાણમાં જોવા મળે છે. આ ઉપરાંત તેમાં એન્ટીઓક્સીડેન્ટ પણ ભરપૂર માત્રામાં હોય છે. તેથી તેનું સેવન કરવાથી ઘણી બીમારીઓ દૂર થાય છે. પરંતુ ગાજર ખાવાના ઘણા ફાયદા છે તો કેટલાક ગેરફાયદા પણ છે.
ગાજરનું સેવન આંખો માટે ખૂબ જ ફાયદાકારક માનવામાં આવે છે. કારણ કે ગાજરમાં વિટામિન A ભરપૂર માત્રામાં હોય છે, જે આંખોને સ્વસ્થ રાખવામાં મદદ કરે છે. તેથી ગાજર ખાવાથી આંખોની રોશની વધે છે.
ગાજરનું સેવન કરવાથી કેન્સર જેવી જીવલેણ બીમારીઓનું જોખમ ઘટાડી શકાય છે. કારણ કે ગાજરમાં એન્ટીઓક્સીડેન્ટ ગુણો જોવા મળે છે, જે શરીરમાં હાનિકારક ફ્રી રેડિકલ સામે લડવામાં મદદ કરે છે.