ગુડ ન્યુઝ : સુપરસ્ટાર રજનીકાંતને હોસ્પિટલમાંથી રજા આપવામાં આવી

• સુપરસ્ટાર રજનીકાંતના ચાહકો માટે સારા સમાચાર
• અભિનેતાને હોસ્પિટલમાંથી રજા આપવામાં આવી
• રૂટીન ચેક અપ માટે હોસ્પિટલમાં કરાયા હતા દાખલ  

ચેન્નાઈ : અભિનેતા રજનીકાંતની તબિયત બગડતાં તેમને ગુરુવારે હોસ્પિટલમાં દાખલ કરવામાં આવ્યા હતા. રજનીકાંતને હોસ્પિટલમાં દાખલ કરાયા બાદ ચાહકો ખૂબ જ નારાજ હતા. પરંતુ હવે અભિનેતાના ચાહકો માટે સારા સમાચાર છે. રજનીકાંતને રવિવારે હોસ્પિટલમાંથી રજા આપવામાં આવી છે. તાજેતરમાં તેના મગજમાં લોહીના અવરોધને લગતી સમસ્યાને કારણે સર્જરી કરવામાં આવી હતી.

રજનીકાંતની તબિયત ખરાબ હોવા પર 28 ઓક્ટોબરે શહેરની કાવેરી હોસ્પિટલમાં દાખલ કરવામાં આવ્યા હતા અને શુક્રવારે તેમનું ‘કેરોટીડ આર્ટરી રિવૈસ્ક્યુલરાઇઝેશન’ થયું હતું.

સૂત્રોએ પુષ્ટિ કરી કે,અભિનેતાને રવિવારે સાંજે હોસ્પિટલમાંથી રજા આપવામાં આવી હતી. આ પહેલા દિવસે તમિલનાડુના મુખ્યમંત્રી એમકે સ્ટાલિને અભિનેતાની તબિયત જાણવા હોસ્પિટલની મુલાકાત લીધી હતી.

ફેન્સ રજનીકાંતના સારા સ્વાસ્થ્ય માટે ખૂબ પ્રાર્થના કરી રહ્યા હતા. અભિનેતાના ચાહકો તેમના સાજા થવા માટે હવન કરી રહ્યા હતા. તો, હોસ્પિટલની બહાર અભિનેતાના ચાહકોની ભીડ હતી.

રજનીકાંતને થોડા દિવસ પહેલા દાદા સાહેબ ફાળકે એવોર્ડ એનાયત કરવામાં આવ્યો હતો. અભિનેતાએ આ દરમિયાન તેની આખી સફર યાદ કરી. એવોર્ડ મેળવ્યા બાદ જ્યારે અભિનેતા ઘરે આવ્યા ત્યારે એરપોર્ટ પર તેમનું ભવ્ય સ્વાગત કરવામાં આવ્યું હતું. ચાહકો તેને અભિનંદન આપવા પહોંચ્યા હતા.