નવી દિલ્હીઃ કેન્દ્રીય રાજ્ય મંત્રી (સ્વતંત્ર હવાલો) વિજ્ઞાન અને ટેકનોલોજી, રાજ્ય મંત્રી (સ્વતંત્ર હવાલો) પૃથ્વી વિજ્ઞાન, PMO, કર્મચારી, જાહેર ફરિયાદ, પેન્શન, પરમાણુ ઉર્જા અને અવકાશ રાજ્ય મંત્રી ડૉ. જિતેન્દ્ર સિંહે આજે જણાવ્યું હતું કે વડાપ્રધાન નરેન્દ્ર મોદીના નેતૃત્વમાં ઇલેક્ટ્રોનિક્સ અર્થતંત્રમાં ભારતનો વૈશ્વિક પ્રભાવ વધી રહ્યો છે. તેઓ યુનિવર્સિટી ઓફ સરેની મુલાકાતે હતા, જ્યાં તેમણે સેમિકન્ડક્ટર્સ માટે સેન્ટર ઓફ એક્સેલન્સની મુલાકાત લીધી હતી. આ પ્રસંગ્રે ડો.જિતેન્દ્ર સિંહે જણાવ્યું હતું કે, ઈલેક્ટ્રોનિક્સ સંબંધિત અર્થવ્યવસ્થામાં વિશ્વમાં ભારતની હાજરી વધી છે.
ડૉ. જિતેન્દ્ર સિંહે કહ્યું કે, ભારત વૈશ્વિક ઇલેક્ટ્રોનિક્સ મૂલ્ય શૃંખલામાં ઝડપથી એક મહત્વપૂર્ણ ખેલાડી બની રહ્યું છે. ભારત યુનાઇટેડ કિંગડમના ઇલેક્ટ્રોનિક્સ ઉદ્યોગ અને શિક્ષણ અને સંશોધન ક્ષેત્ર સાથે સહયોગ કરવા તૈયાર છે. યુનિવર્સિટી ઓફ સરે એ ગિલ્ડફોર્ડ (સરે), ઇંગ્લેન્ડમાં સ્થિત જાહેર સંશોધન યુનિવર્સિટી છે. સરે આયન બીમ સેન્ટર (SIBC) તેની શરૂઆતથી યુકે શૈક્ષણિક અને ઔદ્યોગિક માઇક્રોઇલેક્ટ્રોનિક્સ સંશોધન સમુદાયને સમર્થન આપતા 40 વર્ષથી કાર્યરત છે. તે સામગ્રીના વિશ્લેષણ અને ફેરફાર માટે આયન બીમ પ્રદાન કરે છે. યુનિવર્સિટી શિક્ષણ અને ઉદ્યોગ સાથે જોડાયેલી છે.
SIBC ગુણવત્તાની સંપૂર્ણ ખાતરી આપે છે અને તે ISO 9001 પ્રમાણિત પણ છે. 1978 માં યુકેમાં માઇક્રોઇલેક્ટ્રોનિક્સ સંશોધનને ટેકો આપવા માટે આ રાષ્ટ્રીય કેન્દ્ર બનાવવામાં આવ્યું હતું. તે આયન ઇમ્પ્લાન્ટેશન અને ડોપિંગ સુવિધાઓ સાથે પૃષ્ઠભૂમિ સંશોધનને પણ સમર્થન આપે છે, યુકેના શિક્ષણવિદો અને ઉદ્યોગોને સંશોધન અને વિકાસ માટે કુશળતા અને સુવિધાઓ પ્રદાન કરે છે. UK સેમિકન્ડક્ટર માર્કેટ વાર્ષિક £10 બિલિયનથી વધુ વધી ગયું છે અને UK ફોટોનિક્સ માર્કેટ લગભગ £14 બિલિયન છે. આજે યુકે ફોટોનિક્સમાં વિશ્વના ટોચના ત્રણ દેશોમાંનું એક છે.
કેન્દ્રીય મંત્રીએ કહ્યું કે ભારત સેમિકન્ડક્ટર પ્રોગ્રામ અને સપ્લાય ચેઇનમાં ભારે રોકાણ કરી રહ્યું છે અને આમાં મદદ કરવા માટે સંભવિત ભાગીદાર બની શકે છે. તેમણે વધુમાં જણાવ્યું હતું કે આત્મનિર્ભર ભારતના વિઝનને આગળ વધારવા અને દેશને ઈલેક્ટ્રોનિક્સ સિસ્ટમ ડિઝાઈન અને મેન્યુફેક્ચરિંગ (ESDM) માટે વૈશ્વિક હબ તરીકે સ્થાપિત કરવા માટે મોટી પહેલ કરવામાં આવી છે. કેબિનેટે દેશમાં ટકાઉ સેમિકન્ડક્ટર અને ડિસ્પ્લે ઇકોસિસ્ટમ સ્થાપિત કરવા માટે ₹76,000 કરોડ (>$10 બિલિયન)ના ખર્ચ સાથેના વ્યાપક કાર્યક્રમને મંજૂરી આપી છે. તેનો ઉદ્દેશ સેમિકન્ડક્ટર, ડિસ્પ્લે મેન્યુફેક્ચરિંગ અને ડિઝાઇન ઇકોસિસ્ટમમાં રોકાણ કરતી કંપનીઓને નાણાકીય સહાય પૂરી પાડવાનો છે. તેમણે કહ્યું કે આ વૈશ્વિક ઈલેક્ટ્રોનિક્સ વેલ્યુ ચેઈનમાં ભારતની મોટી હાજરી માટેનો માર્ગ મોકળો કરશે. આ પ્રોગ્રામ સેમિકન્ડક્ટર, ડિસ્પ્લે મેન્યુફેક્ચરિંગ અને ડિઝાઈનની કંપનીઓને ઈલેક્ટ્રોનિક્સ મેન્યુફેક્ચરિંગના નવા યુગની શરૂઆત કરીને વૈશ્વિક સ્તરે સ્પર્ધાત્મક પ્રોત્સાહન પેકેજ પ્રદાન કરશે.
ડૉ જીતેન્દ્ર સિંહે કહ્યું કે ભારત સરકારે સેમી-કન્ડક્ટર લેબોરેટરી, મોહાલીને બ્રાઉનફિલ્ડ ફેબ તરીકે આધુનિકીકરણને પણ મંજૂરી આપી છે. આ ઉપરાંત, સેન્ટ્રલ ઇલેક્ટ્રોનિક્સ એન્જિનિયરિંગ રિસર્ચ ઇન્સ્ટિટ્યૂટ (CSIR-CEERI), પિલાની સેમિકન્ડક્ટર સંશોધનમાં સક્રિયપણે સામેલ છે. સંસ્થા કસ્ટમાઇઝ્ડ ટ્રાન્સમીટર/ડિટેક્ટર એપ્લિકેશન્સ અને કસ્ટમાઇઝ્ડ હેલ્થકેર ડાયગ્નોસ્ટિક્સ માટે ફોટોનિક ક્રિસ્ટલ આધારિત સેન્સર-પ્લેટફોર્મ્સ માટે નવીન મેટા-મટીરિયલ આધારિત ટ્યુનેબલ ફિલ્ટર્સ વિકસાવવા માટે સંશોધન અને સહયોગમાં રસ ધરાવશે, એમ તેમણે ઉમેર્યું હતું. કેન્દ્રીય મંત્રીએ કહ્યું કે ભારત સેમિકન્ડક્ટર પ્રોગ્રામ્સ અને કી સપ્લાય ચેઇન્સમાં ભારે રોકાણ કરી રહ્યું છે અને યુનિવર્સિટી ઓફ સરે આ પ્રયાસમાં સંભવિત ભાગીદાર બની શકે છે.