- ઈઝરાયલ-પેલેસ્ટાઈન વિવાદ
- ઈઝરાયલનો પેલેસ્ટાઈન પર જોરદાર હૂમલો
- 42 લોકોના હૂમલામાં મોત
દિલ્લી: ઈઝરાયલ દ્વારા ગાઝા પટ્ટી પર હમણા જ કરવામાં આવેલા હૂમલા પર યુએનના પ્રમુખે અપીલ કરી છે અને કહ્યું છે કે આ સંઘર્ષને તાત્કાલિક બંધ કરવામાં આવે. રવિવારના દિવસે ઈઝરાયલ દ્વારા પેલેસ્ટાઈન પર કરવામાં આવેલા હૂમલામાં 42 લોકોના મોત થયા છે જે ચીંતાનો વિષય છે. આ હૂમલો અઠવાડિયાનો સૌથી ઘાતક હૂમલો છે જે ઈઝરાયલ દ્વારા કરવામાં આવ્યો છે.
વધતા જતા સંઘર્ષ અને બંને દેશો વચ્ચે વૈશ્વિક અલાર્મની વચ્ચે, યુએન સિક્યુરિટી કાઉન્સિલની એક મહત્વપૂર્ણ બેઠક યોજાઈ પરંતુ ઇઝરાઇલના સાથી યુનાઇટેડ સ્ટેટ્સને કારણે કાઉન્સિલની બેઠક મોડી પડી, પરિણામે ખૂબ ઓછી કાર્યવાહી થઈ.
યુએનના સેક્રેટરી જનરલ એન્ટોનિયો ગુટેરેસે બંને પક્ષોને તાકીદે “એકદમ ભયાનક” હિંસાને સમાપ્ત કરવા વિનંતી કરી છે અને માનવતા માટે મોટા સંકટની ચેતવણી આપી છે.
બંને પક્ષના અધિકારીઓના જણાવ્યા અનુસાર, ગાઝામાં 197 લોકોનાં મોત થયાં છે, જ્યારે જેરૂસલેમમાં અશાંતિને કારણે છેલ્લા કેટલાક વર્ષોમાં થયેલા અત્યંત ભીષણ સંઘર્ષમાં સોમવારથી ઇઝરાઇલમાં 10 લોકોનાં મોત થયાં છે.
રવિવારે સવારે ઇઝરાઇલે કહ્યું કે છેલ્લા 24 કલાકમાં “સતત હુમલાઓની લહેર” ને કારણે ભીડભાડ ભરાયેલા દરિયાકાંઠાના એન્ક્લેવમાં 90 થી વધુ લક્ષ્યો પર હુમલા થયા છે. ઇઝરાઇલી હુમલાએ અનેક આંતરરાષ્ટ્રીય બિલ્ડિંગને નષ્ટ કરી દીધી જેમાં અનેક આંતરરાષ્ટ્રીય મીડિયા સંગઠનોની ઓફિસો રાખવામાં આવી. ઇઝરાઇલના આ કૃત્યને કારણે આંતરરાષ્ટ્રીય દુનિયામાં ગુસ્સો છે.