દિલ્હી:વડાપ્રધાન નરેન્દ્ર મોદીએ આજે બેંગ્લોર મેટ્રોની વ્હાઇટફિલ્ડ (કાડુગોડી) થી કૃષ્ણરાજપુરા મેટ્રો લાઇનનું ઉદ્ઘાટન કર્યું હતું. તેમણે નવી ઉદ્ઘાટન કરાયેલ મેટ્રોમાં સવારી પણ કરી હતી.
વડાપ્રધાન કાર્યાલયે ટ્વીટ કર્યું:
“PM નરેન્દ્ર મોદી બેંગલુરુ મેટ્રોમાં સવાર છે, જીવનના વિવિધ ક્ષેત્રના લોકો સાથે વાતચીત કરી રહ્યા છે.”
PM @narendramodi is on board the Bengaluru Metro, interacting with people from different walks of life. pic.twitter.com/RKdLSXMucw
— PMO India (@PMOIndia) March 25, 2023
વ્હાઇટફિલ્ડ (કાડુગોડી) મેટ્રો સ્ટેશન પર પહોંચ્યા પછી, પ્રધાનમંત્રીએ પહેલા ટિકિટ કાઉન્ટર પરથી ટિકિટ ખરીદી અને પછી આ પ્રસંગે મૂકવામાં આવેલા પ્રદર્શનનું વોકથ્રુ લીધું. પ્રધાનમંત્રીએ ત્યારબાદ વ્હાઇટ ફિલ્ડ મેટ્રો લાઇનના ઉદ્ઘાટન માટે તકતીનું અનાવરણ કર્યું અને મેટ્રોમાં ચડવા માટે પ્લેટફોર્મ તરફ આગળ વધ્યા. તેમના પ્રવાસ દરમિયાન, તેમણે બેંગ્લોર મેટ્રોના કામદારો અને કર્મચારીઓ સાથે વાતચીત કરી.
વડાપ્રધાન સાથે કર્ણાટકના રાજ્યપાલ થાવરચંદ ગેહલોત અને કર્ણાટકના મુખ્યમંત્રી બસવરાજ બોમાઈ પણ હતા.
વડાપ્રધાનએ સમગ્ર દેશમાં વિશ્વ-સ્તરીય શહેરી ગતિશીલતા માળખાના વિકાસ પર વિશેષ ધ્યાન કેન્દ્રિત કર્યું છે. તેની અનુસંધાનમાં, બેંગ્લોર મેટ્રો ફેઝ 2 હેઠળ વ્હાઇટફિલ્ડ (કાડુગોડી) મેટ્રોથી ક્રિષ્નારાજપુરા મેટ્રો લાઇનની 13.71 કિમી લાંબી રીચ-1 એક્સ્ટેંશન પ્રોજેક્ટનું વડાપ્રધાન દ્વારા વ્હાઇટફિલ્ડ (કાડુગોડી) મેટ્રો સ્ટેશન ખાતે ઉદ્ઘાટન કરવામાં આવ્યું હતું. આશરે રૂ. 4250 કરોડના ખર્ચે બનેલ, આ મેટ્રો લાઇનનું ઉદ્ઘાટન બેંગલુરુના મુસાફરોને સ્વચ્છ, સલામત, ઝડપી અને આરામદાયક મુસાફરીની સુવિધા પૂરી પાડશે, જે ગતિશીલતામાં સરળતા વધારશે અને શહેરમાં ટ્રાફિકની ભીડમાં ઘટાડો કરશે.
ઉલ્લેખનીય છે કે, વડાપ્રધાન નરેન્દ્ર મોદી આજે કર્ણાટકની મુલાકાતે છે જ્યાં તેમણે ચિક્કાબલ્લાપુરમાં સર એમ વિશ્વેશ્વરાયને પુષ્પાંજલિ અર્પણ કરી હતી.