શાહરૂખ ખાને ડંકીનાં પહેલા ગીત સાથે રિલીઝ ડેટની કરી જાહેરાત

• શાહરૂખ ખાને ફિલ્મના પહેલા ગીતની રિલીઝ ડેટ જાહેર કરી
• શાહરૂખે પહેલા ગીત લૂટ પુટ ગયાનું પોસ્ટરકર્યું શેર 
• ફેન્સ બોલ્યા, 2023 ની ત્રીજી બ્લોકબસ્ટર 

મુંબઈ:શાહરુખ ખાન, તાપસી પન્નુ, બોમન ઈરાની, વિકી કૌશલ અને વિક્રમ કોચર સ્ટારર ડંકી માટે ચાહકો આતુરતાથી રાહ જોઈ રહ્યા છે કારણ કે વર્ષ 2023માં આ કિંગ ખાનની ત્રીજી ફિલ્મ છે, જે બ્લોકબસ્ટર થવાની આશા છે કારણ કે આ ફિલ્મ રાજકુમાર હિરાની દ્વારા નિર્દેશિત છે અને જવાન અને પઠાણની બ્લોકબસ્ટર બાદ શાહરૂખ ખાનની ત્રીજી ફિલ્મ છે. આ દરમિયાન શાહરૂખ ખાને ફિલ્મના પહેલા ગીતની રિલીઝ ડેટ જાહેર કરી છે.

શાહરૂખ ખાને એક ટ્વીટમાં તાપસી પન્નુ સાથેના પહેલા ગીત લૂટ પુટ ગયાનું પોસ્ટર શેર કર્યું હતું. આ ગીતની ઝલકમાં ડંકીની રિલીઝ ડેટ 21મી ડિસેમ્બર 2023 હોવાનું કહેવાય છે. આ ટ્વીટની સાથે કેપ્શનમાં લખ્યું છે કે, હું તમારા દિલમાં ટેન્ટ લગાવીશ. હું તમારા પ્રેમમાં ડૂબકી મારીશ. હું તો ગયો. લૂટ પૂટ ગયો. 30 દિવસની પ્રેમની સફર ડંકી.

આ પોસ્ટરને જોઈને એક યુઝરે લખ્યું, ત્રીજી બ્લોકબસ્ટર તૈયાર છે. અન્ય એક યુઝરે લખ્યું, ડંકીનો ફર્સ્ટ ડે ફર્સ્ટ શો જોવા માટે તૈયાર. ત્રીજા યુઝરે લખ્યું, બિલકુલ રાહ નથી જોઈ શકતો.

નોંધનીય છે કે વર્ષ 2023ની શરૂઆતમાં શાહરૂખ ખાનની પઠાણ દીપિકા પાદુકોણ અને જોન અબ્રાહમ સાથે આવી હતી, જેણે 1000 કરોડ રૂપિયાની બ્લોકબસ્ટર કમાણી કરી હતી. જવાન 7 સપ્ટેમ્બરે રિલીઝ થઈ હતી, જેણે પણ 1100 કરોડ રૂપિયાની કમાણી કરી હતી.