નવી દિલ્હી, 17 ફેબ્રુઆરી 2026: ICC T20 વર્લ્ડ કપમાં, યજમાન શ્રીલંકાએ પલ્લેકેલે ઇન્ટરનેશનલ સ્ટેડિયમમાં ઓસ્ટ્રેલિયાને હરાવીને સુપર 8 માં પોતાનું સ્થાન નિશ્ચિત કર્યું છે. શ્રીલંકાએ પથુમ નિસાન્કાની અણનમ સદીની મદદથી માત્ર 18 ઓવરમાં 2 વિકેટે 184 રન બનાવીને લક્ષ્યાંક હાંસલ કર્યો.
નિસાન્કાની ૫૨ બોલમાં સદી ટુર્નામેન્ટની પહેલી સદી હતી. શ્રીલંકા માટે કુસલ મેન્ડિસે પણ ઝડપી 51 રન બનાવ્યા.
અગાઉ, ઓસ્ટ્રેલિયાએ સારી શરૂઆત કરી હતી, જેમાં ઓપનર મિશેલ માર્શ અને ટ્રેવિસ હેડે ઝડપી અડધી સદી ફટકારી હતી અને 104 રનની મજબૂત ભાગીદારી કરી હતી. પરંતુ શ્રીલંકાએ વચ્ચેની ઓવરોમાં શાનદાર વાપસી કરી અને ઓસ્ટ્રેલિયાને 9 વિકેટે 181 રન પર રોકી દીધું.
શ્રીલંકા તરફથી દુષણ હેમંથાએ ત્રણ વિકેટ લીધી જ્યારે દુષ્મંથા ચમીરાએ બે વિકેટ લીધી. પથુમ નિસાન્કાને પ્લેયર ઓફ ધ મેચ જાહેર કરવામાં આવ્યો. ઓસ્ટ્રેલિયાના ત્રણ મેચમાં બે પોઈન્ટ છે અને હવે તે ટુર્નામેન્ટમાં ટકી રહેવા માટે અન્ય પરિણામો પર આધાર રાખે છે.
ગઈકાલે કોલકાતાના ઈડન ગાર્ડન્સ ખાતે ગ્રુપ સીમાં રમાયેલી બીજી મેચમાં ઈંગ્લેન્ડે ઈટાલીને 24 રનથી હરાવ્યું. ઈંગ્લેન્ડના 203 રનના લક્ષ્યાંકનો પીછો કરતા, ઈટાલી 20 ઓવરમાં 178 રનમાં ઓલઆઉટ થઈ ગયું. પ્રથમ બેટિંગ કરતા, ઈંગ્લેન્ડે નિર્ધારિત 20 ઓવરમાં સાત વિકેટે 202 રન બનાવ્યા હતા.
અગાઉ, અફઘાનિસ્તાને નવી દિલ્હીના અરુણ જેટલી સ્ટેડિયમ ખાતે ગ્રુપ ડી મેચમાં સંયુક્ત આરબ અમીરાત-યુએઈને પાંચ વિકેટથી હરાવીને ટુર્નામેન્ટમાં પોતાનો પ્રથમ વિજય નોંધાવ્યો હતો.
161 રનના લક્ષ્યાંકનો પીછો કરતા અફઘાનિસ્તાને 19 ઓવર અને બે બોલમાં પાંચ વિકેટે 162 રન બનાવ્યા હતા. પ્રથમ બેટિંગ કરતા યુએઈએ 20 ઓવરમાં નવ વિકેટે 160 રન બનાવ્યા હતા.
વધુ વાંચો: ચક્રવાત દિટવાહા પછી રાહત અને આર્થિક સુધારાને સંબોધવા માટે IMF પ્રતિનિધિમંડળ શ્રીલંકાની મુલાકાતે