દિલ્હી:કેન્દ્ર સરકારે પોપ્યુલર ફ્રન્ટ ઓફ ઈન્ડિયા (PFI) પર પ્રતિબંધ મૂક્યો છે.ઘણા રાજ્યોએ PFI પર પ્રતિબંધ મૂકવાની માંગ કરી હતી.તાજેતરમાં, NIA અને તમામ રાજ્યોની પોલીસ અને એજન્સીઓએ PFIના સ્થળો પર દરોડા પાડ્યા હતા અને સેંકડોની ધરપકડ કરી હતી.ગૃહ મંત્રાલયે PFI ને 5 વર્ષ માટે પ્રતિબંધિત સંગઠન જાહેર કર્યું છે.PFI ઉપરાંત 9 સંલગ્ન સંસ્થાઓ સામે પણ કાર્યવાહી કરવામાં આવી છે.
પીએફઆઈ ઉપરાંત રિહેબ ઈન્ડિયા ફાઉન્ડેશન (આરઆઈએફ), કેમ્પસ ફ્રન્ટ ઓફ ઈન્ડિયા (સીએફઆઈ), ઓલ ઈન્ડિયા ઈમામ કાઉન્સિલ (એઆઈઆઈસી), નેશનલ કોન્ફેડરેશન ઓફ હ્યુમન રાઈટ્સ ઓર્ગેનાઈઝેશન (એનસીએચઆરઓ), નેશનલ વુમન ફ્રન્ટ, જુનિયર ફ્રન્ટ, એમ્પાવર ઈન્ડિયા ફાઉન્ડેશન અને રિહેબ ફાઉન્ડેશન, કેરળ જેવા સહયોગી સંગઠનો પર પણ પ્રતિબંધ મુકવામાં આવ્યો છે
22 સપ્ટેમ્બર અને 27 સપ્ટેમ્બરે NIA, ED અને રાજ્ય પોલીસે PFI પર દરોડા પાડ્યા હતા. દરોડાના પ્રથમ રાઉન્ડમાં PFI સાથે જોડાયેલા 106 લોકોની ધરપકડ કરવામાં આવી હતી. દરોડાના બીજા રાઉન્ડમાં, PFI સાથે જોડાયેલા 247 લોકોની ધરપકડ / અટકાયત કરવામાં આવી હતી.તપાસ એજન્સીઓને PFI વિરુદ્ધ પૂરતા પુરાવા મળ્યા છે.આ પછી તપાસ એજન્સીઓએ ગૃહ મંત્રાલય પાસે કાર્યવાહીની માંગ કરી હતી.તપાસ એજન્સીઓની ભલામણ પર ગૃહ મંત્રાલયે PFI પર પ્રતિબંધ લગાવવાનો નિર્ણય લીધો છે.
NIA આ કેસોમાં PFIની ભૂમિકાની તપાસ કરી રહી છે
- પટના-ફુલવારી શરીફમાં ગજવાઈ હિંદની સ્થાપના માટે એક મોટું કાવતરું કરવામાં આવી રહ્યું હતું, જેમાં તાજેતરમાં NIAએ પણ દરોડા પાડ્યા હતા.
- તેલંગાણા નિઝામાબાદમાં કરાટે તાલીમના નામે, PFI શસ્ત્રો ચલાવવાની તાલીમ આપે છે. આ કેસમાં NIAએ દરોડા પણ પાડ્યા છે.
- કર્ણાટક પ્રવીણ નેત્રુ હત્યા કેસમાં PFI કનેક્શન સામે આવ્યું. જેમાં NIA તપાસ કરી રહી છે.
- હિજાબ વિવાદ અને તાજેતરના વિરોધ દરમિયાન PFI ના ભંડોળની ભૂમિકાની પણ તપાસ કરવામાં આવી હતી.
- ઉત્તર પ્રદેશમાં નાગરિકતા કાયદાને લઈને હિંસા થઈ હતી, જેમાં PFI સાથે સંકળાયેલા આરોપીઓ પાસેથી વાંધાજનક સામગ્રી, સાહિત્ય SCD મળી આવ્યું હતું, જેના આધારે ઉત્તર પ્રદેશ સરકાર દ્વારા પોપ્યુલર ફ્રન્ટ ઑફ ઈન્ડિયા સંગઠન પર પ્રતિબંધ મૂકવાનો પ્રસ્તાવ મોકલવામાં આવ્યો હતો
15 રાજ્યમાં એક્ટિવ છે PFI
PFI હાલમાં દિલ્હી, આંધ્ર પ્રદેશ, આસામ, બિહાર, કેરળ, ઝારખંડ, પશ્ચિમ બંગાળ, ઉત્તર પ્રદેશ, કર્ણાટક, પશ્ચિમ બંગાળ, રાજસ્થાન, હરિયાણા, તમિલનાડુ, તેલંગાણા, મધ્ય પ્રદેશમાં સક્રિય છે